სააკაშვილსა და ივანიშვილს შორის ტოლობის ნიშნის დასმა შეურაცხმყოფელია, - ამის შესახებ საპარლამენტო უმრავლესობის წევრმა, მამუკა მდინარაძემ განაცხადა, რითაც ევროპარლამენტარ ანდრიუს კუბილიუსის მოსაზრებას გამოეხმაურა.

როგორც მან აღნიშნა, სააკაშვილი სასამართლოს მიერ დადასტურებული კრიმინალია, რომელმაც წარმატებას ვერც სტრასბურგში მიაღწია.

„წარმოუდგენელი შედარებაა და ტოლობის ნიშნის დასმა კიდევ უფრო მეტი საოცრებაა სააკაშვილსა და ბიძინა ივანიშვილს შორის. ერთ მხარეს დგას კრიმინალი დადასტურებული სასამართლოს განაჩენით, რომელმაც ვერც სტრასბურგში მიაღწია წარმატებას თავის საკითხებთან დაკავშირებით და ის სასამართლოს მიერ მიჩნეულია დამნაშავედ. მეორე, რაც ასევე ძალიან მნიშვნელოვანია, ადამიანი დღეს არ ტოვებს, რომ არ გამოჩნდეს ტელეეთერში მიუხედავად მისი კრიმინალობისა და მიუხედავად იმისა, რომ საქართველოს მოქალაქე არ არის.

ბიძინა ივანიშვილმა, როდესაც განცხადება გააკეთა, იმის შემდეგ ერთი წამითაც არ გამოჩენილა არსად საჯარო სივრცეში და პოლიტიკასთან აბსოლუტურად დისტანცირებულია. ამ კუთხითაც კი შედარება არის ცალკე პრობლემა. ამიტომ, ყოვლად მიუღებელი და დაუშვებელია რაიმე სახის ტოლობის დასმა ამ ორ ადამიანს შორის და ჩემი აზრით, შეურაცხმყოფელიც კი არის. ეს ემსახურება ერთადერთ მიზანს, რომ კრიმინალები გაპრავდნენ პოლიტიკაში“, - განაცხადა მამუკა მდინარაძემ.

ცნობისთვის, ევროპარლამენტარი ანდრიუს კუბილიუსის განცხადებით, გაცილებით ეფექტური იქნება, თუ არაფორმალური ლიდერები მონაწილეობას მიიღებენ მოლაპარაკებებში.

ავტორი: ექსპრესნიუსი,

სოციალური ქსელები

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ