2021-03-21 17:35:53, 623 ნახვა
საზოგადოება
შსს-ს ინფორმაციით, მძღოლების მიერ გამართულ აქციაზე პოლიციამ 7 პირი დააკავა
შსს-ს ინფორმაციით, მძღოლების მიერ გამართულ აქციაზე პოლიციამ 7 პირი დააკავა.
ამის შესახებ ინფორმაცია "ექსპრესნიუსს" უწყებაში დაუდასტურეს.
შსს-ს ცნობით, შვიდივე მათგანი ადმინისტრაციულ სამართალდარღვევათა კოდექსის შესაბამისად არის დაკავებული.
სამართალდამცველებსა და აქციის მონაწილეებს შორის დაპირისპირება მას შემდეგ დაიწყო, რაც პროტესტის მონაწილეებმა გზის გადაკეტვა სცადეს. პოლიცია ამბობს, რომ აქციის მონაწილეები დაუმორჩილებლობისთვის დააკავეს.
შეგახსენებთ, რომ მძღოლები ბენზინზე აქციზის საფასურის დაწევას და პრემიერ ირაკლი ღარიბაშვილთან შეხვედრას ითხოვდნენ.
ავტორი: ექსპრესნიუსი,
epn.ge (@expressnews.ge)
