2021-02-26 16:30:13, 948 ნახვა
პოლიტიკა
Washington Post - დასავლეთმა საქართველო დაკარგა
„დასავლეთმა საქართველო დაკარგა”, - ამ სათაურით აქვეყნებს სტატიას გავლენიანი გამოცემა „ვაშინგტონ პოსტი“. სტატიაში ავტორი საქართველოში განვითარებულ მოვლენებს, „ნაციონალური მოძრაობის“ ოფისზე შტურმსა და პარტიის თავმჯდომარის, ნიკა მელიას დაკავების საკითხს განიხილავს. „ასი წლის წინ, 1921 წლის თებერვალში, წითელი არმია საქართველოს რესპუბლიკის დედაქალაქ თბილისში შეიჭრა. ამ დღეს საქართველო საბჭოთა ოკუპაციის ქვეშ აღმოჩნდა და დაკარგა თავისუფლება და ადგილი დასავლეთში. სამშაბათს, საქართველო კიდევ ერთხელ აღმოჩნდა ამ გზაზე - პოლიცია მთავარი ოპოზიციური პარტიის შტაბში შეიჭრა და მისი ლიდერი, ნიკა მელია დააკავა“, - ვკითხულობთ სტატიაში. როგორც სტატიაშია აღნიშნული, ნიკა მელიას დაკავება ნიშნავს იმას, რომ რეგიონში ვაშინგტონის ყველაზე ძლიერი მოკავშირე ავტორიტარიზმისკენ მიისწრაფვის. „შეერთებული შტატები და მისი ევროპელი მოკავშირეები აფრთხილებენ საქართველოს ამჟამინდელ მთავრობას, დაიცვას დემოკრატიული თამაშის წესები. ხელისუფლების მხრიდან თავშეკავების ნებისმიერი ფორმა გაქრა. ეს აშკარა სიგნალია იმისა, რომ საქართველო მკვეთრად იშორებს მისწრაფებებს, გახდეს ევროატლანტიკური საზოგადოების წევრი. „ერთიანი ნაციონალური მოძრაობის“ ლიდერის დაპატიმრება ნიშნავს, რომ ვაშინგტონის ყველაზე ძლიერი მოკავშირე რეგიონში ავტორიტარიზმისკენ მიისწრაფვის“, - წერს ავტორი. ავტორი: ანი მელაძე, ექსპრესნიუსის რეპორტიორი 2019 წლიდან |
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|