2021-02-26 14:50:31, 475 ნახვა
პოლიტიკა
ოპოზიციამ საპროტესტო აქციების გეგმა გააჟღერა და სახელმწიფო უწყებების პიკეტირება დააანონსა
ოპოზიცია 2, 5, 9, 11 და 13 მარტს სახელმწიფო უწყებების პიკეტირებას აანონსებს, - ამის შესახებ „ნაციონალური მოძრაობის“ ლიდერმა, ხატია დეკანოიძემ, განაცხადა. დეკანოიძემ პარლამენტთან მიმდინარე აქციაზე სხვადასხვა უწყების პიკეტირების თარიღი და ოპოზიციის სამოქმედო გეგმა გააჟღერა. „ჩვენ თავისუფლებისთვის მებრძოლ ადამიანებთან ერთად 2 მარტს ვგეგმავთ პარლამენტის შენობის პიკეტირებას. იმისთვის, რომ ჩვენი ხმა გაიგოს რეჟიმმა და ამ შენობაში საქართველოს დამოუკიდებლობის სიმბოლოში, სადაც გავრილოვი წამოასკუპეს, ვერც ერთი გავრილოვის მსახური ვერ დაჯდეს. 5 მარტს ვგეგმავთ კანცელარიის შენობის პიკეტირებას იმისთვის რომ ჩვენი ხმა გავაგონოთ ბიძინა ივანიშვილი ერთ-ერთ მსახურს, ირაკლი ღარიბაშვილს, რომელიც უშინაარსო ადამიანია. 9 მარტს ჩვენ ვგეგმავთ აქციას შსს-სთან, იმიტომ რომ ეს უწყება დღეს არის ერთი ადამიანის ნება სურვილის შემსრულებელი და იჭერს აქტივისტებს. 11 მარტს ჩვენ ვგეგმავთ აქციას ამ რეჟიმის მთავარ სიმბოლოსთან, სასამართლოსთან, რომელიც გადაიქცა მურუსიძის-ჩინჩალაძის და ყველა მნიშვნელოვანი უსამართლობისა და პოლიტიკური მართლმსაჯულების მთავარ სიმბოლოდ. 13 მარტს ამ აქციების ბოლოში ჩვენ კიდევ ერთხელ პარლამენტთან ვიკრიბებით ერთად ბევრნი და ეს იქნება კიდევ ერთი მნიშვნელოვანი მარში და აქცია თავისუფლებისთვის“, - განაცხადა ხატია დეკანოძემ. ავტორი: ანი მელაძე, ექსპრესნიუსის რეპორტიორი 2019 წლიდან |
ომი უკრაინაშიზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 454 420-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|