გასაგებია, იმის გამო, რომ ვერ იხსნებიან, აქვთ უკმაყოფილება, მაგრამ დაუმორჩილებლობა და კანონის დარღვევა მიუღებელია და მას მკაცრი რეაქცია მოჰყვება, - ასე გამოეხმაურა ეკონომიკისა და მდგრადი განვითარების მინისტრი ნათია თურნავა რესტორატორთა გადაწყვეტილებას, რომლებიც 6 იანვარს აპირებენ, რომ პროტესტის ნიშნად, გახსნან ყველა საკვები ობიექტი.

როგორც ნათია თურნავამ მთავრობის ადმინისტრაციაში ბრიფინგზე აღნიშნა, რესტორნებთან დაკავშირებით მთავრობაში ყოველდღიურად შეხვედრები იმართბა, თუმცა მათი დაუმორჩილებლობა გაართულებს დიალოგს.

„25 იანვარს გვქონდა წარმომადგენლობითი შეხვედრა სარესტორნო ინდუსტრიასთან, იქ წარმოდგენილი იყვნენ, როგორც რესტორატორთა ასოციაციის ხელმძღვანელები, ასევე ცალკეული რესტორნები. გვქონდა დეტალური განხილვა, როდესაც გავაცანით ის მიდგომები და კრიტერიუმები, თუ რითი ვსაზღვრავთ გახსნას, ამა თუ იმ ბიზნესის გახსნას, მათ შორის სარესტორნო ინდუსტრიასთან მიმართებაში.

კომუნიკაციის ნაკლებობა ნამდვილად არ არის, ტურიზმის ადმინისტრაცაის ყოველდღიური რეჟიმში აქვს შეხვედრები ტურისტულ ინდუსტრიასთან, მათ შორის რესტორნებთან, გასაგებია, რომ იმის გამო, რომ რესტორნები ჯერჯერობით ვერ იხსნება მთელ საქართველოში, აჭარის გარდა, მათ აქვთ უკმაყოფილება, მაგრამ დაუმორჩილებლობა, კანონის დარღვევა, ეპიდემიოლოგიური წესების დაცვის მიმართ დაუმორჩილებლობა მიუღებელია და ამას მოჰყვება მკაცრი რეაქცია, მაგრამ ვინაიდან ჩვენ პრაქტიკულად ყოველდღიურ რეჟიმში, პრემიერთან ერთად ვიხილავთ თუ როდის შეიძლება იგივე აჭარის მოდელი გადმოვიტანოთ დანარჩენ საქართველოზე, აქედან გამომდინარე ჩემი თხოვნა იქნება და იმედსაც გამოვხატავ, რომ რესტორნები ასეთი არასწორი, არაკანონიერი ქმედებით არ გაართულებენ დიალოგს ჩვენს შორის, ძალიან დიდი იმედი გვაქვს, რომ ჩვენ გვექნება მათთან დაკავშირებით კონკრეტული გადაწყვეტილებები, რაზეც ყოველდღიურად ვმსჯელობთ, თუმცა ასეთი ქმედება, რომელიც დაკავშირებულია კანონის დარღვევასთან, დაუმორჩილებლობასთან, გაართულებს ამ დიალოგს“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს