ალეკო ელისაშვილი პარლამენტში შესვლასთან დაკავშირებით გადაწყვეტილებას რამდენიმე დღეში გამოაცხადებს

2021-01-20 15:08:02, 638 ნახვა

პოლიტიკა

„ქართულ ოცნებას" თუ გამოგვგლეჯთ რაც ჩვენთვის მნიშვნელოვანია, აუცილებლად შევალთ პარლამენტში", - ამის შესახებ „მოქალაქეების" ლიდერმა, ალეკო ელისაშვილმა, ჟურნალისტებთან საუბრისას განაცხადა.

მისივე თქმით, გადაწყვეტილებას პარლამენტში შესვლასთან დაკავშირებით მისი პარტია რამდენიმე დღეში გამოაცხადებს.

„მეც და ჩვენმა პარტიამაც ამ ცირზე დავასრულეთ ლაპარაკი, რაც ოპოზიციაშია მოწყობილი. ვისაც დამატებითი კითხვები აქვს ჩემთან, ხაზარაძესთან, სხვებთან დაკავშირებით, გადახედოთ ჩემ წარსულს რა გამიკეთებია ჩემი ქვეყნისთვის, ხალხისთვის, სად ვიყავი წლების განმავლობაში და გადახედონ სხვების წარსულს, ვინ სად, როდის, სად იყო, ვისთან იყო შეკრული, ვისთან იყო გამოკრული და ა.შ. გარიყვების და გამორიყვების არც გვეშინია და ძალიან გვეღიმება ამ ყველაფერზე.

ჩვენ ისედაც ვიცოდით რაც გვინდოდა, უბრალოდ გვინდოდა რომ დანარჩენებთან ამოგვეწურა რესურსი, დაგვერწმუნებინა. არ უნდათ, ნუ უნდათ. ჩვენ ვიცით რასაც გავაკეთებთ, ისედაც ვიცოდით რასაც ვაკეთებთ და ამაზე, სულ რამდენიმე დღეში ვიტყვით. „ქართულ ოცნებას" თუ გამოგვგლეჯთ რაც ჩვენთვის მნიშვნელოვანია, აუცილებლად შევალთ პარლამენტში", - განაცხადა ალეკო ელისაშვილმა.

ავტორი: თეონა დორეული, ექსპრესნიუსის რეპორტიორი 2018 წლიდან