საქართველოს შეუძლია მიიღოს ნებისმიერი ტემპერატურული მოთხოვნის ვაქცინა, - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

როგორც მან აღნიშნა, „ფაიზერის“ ვაქცინის პირველი დოზების ამ წლის პირველ კვარტალში მისღებად, კოვაქსის“ პლატფორმასთან ინტენსიური მოლაპარაკება მიმდინარეობს.

„საქართველოს შეუძლია მიიღოს ნებისმიერი ტემპერატურული მოთხოვნის ვაქცინა. დღესითვის ბაზარზე აღიარებული სტატუსით არის „ფაიზერი“, „ასტრაზენეკა“ და „მოდერნა“. ამაზე ვსაუბრობთ, თუმცა გეგმა როგორც კი ახალი ვაქცინა გამოჩნდება მსგავსი აღიარების, მასაც გაითვალისწინებს. გეგმაში დაკონკრეტებულია ძალიან მკაფიოდ, რომ სამივე ტემპერატურული რეჟიმისთვის ქვეყანა არის მზად. ეს არის მინუს 80 გრადუსიანი, მინუს 20 გრადუსიანი „მოდერნასთვის“ და ორიდან რვა გრადუსი, ეს არის რუტინული იმუნიზაციის ჯაჭვი, რაც ჩვენ მოგვცემს საშუალებას, ყველგან გავაკეთოთ ამ ტიპის ვაქცინაცია. ამდენად, ამ ტიპის მზაობა მაღალია.

რაც შეეხება ვადებს, პირველ ეტაპზე, და ეს პირველი ეტაპი არის პირველი კვარტალი 2021 წლის, ამასთან დაკავშირებით „კოვაქსის“ პლატფორმასთან მიმდინარეობს ინტენსიური მოლაპარაკება პირველი დოზების მიღების თაობაზე პირველ კვარტალში. ამისთვის პარასკევს სამინისტრომ გააგზავნა წერილი. დღეს იყო ბოლო ვადა ინტერესის გამოხატვის და დადასტურების, რომ ქვეყანას შეუძლია, ხვალვე რომ იყოს ხელმისაწვდომი, დაიწყოს ვაქცინაცია „ფაიზერის“ ვაქცინით. ეს კონკრეტული წერილი „კოვაქსის„ პლატფორმაში შეეხება „ფაიზერის“ ვაქცინას, „ფაიზერის“ ვაქცინით იმუნიზაციის დაწყებას პირველ კვარტალში. თუმცა, არ გამოვრიცხავთ იმასაც, რომ შესაძლოა, მსგავსი ინტერესი და შემოთავაზება „კოვაქსის“ პლატფორმიდან მივიღოთ პირველ კვარტალშივე „ასტრაზენეკათი“ ვაქცინაციის დაწყებასთან მიმართებით. მთავარია, რომ ქვეყანას აქვს როგორც მარეგულირებელი მზაობა, ასევე ტექნიკური ვაქცინაციის დასაწყებად მომდევნო ორი თვის განმავლობაში, რაც იქნება პირველი კვარტლის პერიოდში“, - განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის