ეკონომიკისა და მდგრადი განვითარების მინისტრი, ნათია თურნავა არ გამორიცხავს, რომ სოციალურად დაუცველი ოჯახების რაოდენობა გაიზარდოს.

მისი თქმით, მომდევნო ერთი წელი პოსტკრიზისული და მძიმე იქნება.

„ტარიფის სუბსიდირება მოხდება შემდეგი ერთი წლის განმავლობაში იმიტომ, რომ ეს აისახება ერთი წლის ბიუჯეტში. აქედან გამომდინარე, ერთ წლიანი გეგმა გვაქვს ამასთან დაკავშირებით. ასევე, შეგახსენებთ, რომ შემდეგი ერთი წელი იქნება პოსტკრიზისული წელი, ყველაზე მძიმე, როდესაც ნამდვილად სწორი და გამართლებულია იმ შეზღუდული ბიუჯეტიდან, რომელიც ჩვენ გვაქვს და რომელიც ისედაც დატვირთულია სოციალური პროგრამებით, ჩვენ გამოვნახოთ თანხები იმისთვის, რომ მოხდეს დამატებითი წნეხის თავიდან აცილება მოსახლეობისთვის.

წყალს რაც შეეხება, ეს მოხდება სოციალურად დაუცველი ოჯახებისთვის. სამწუხაროდ, სოციალურად დაუცველი ოჯახების რაოდენობას არ გამოვრიცხავთ, რომ შეიძლება გაიზარდოს. ვითარება არის საკმაოდ რთული და ამას ჩვენ ვხედავთ მსოფლიოში. ჩვენი ამოცანა და ვალდებულებაა, რომ მაქსიმალურად შევუმსუბუქოთ ამ გადაწყვეტილებით გამოწვეული დამატებითი დანახარჯები“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times