ევროპის სახალხო პარტია „ქართულ ოცნებას“ მოუწოდებს, რომ დიალოგს დაუბრუნდეს, - ამის შესახებ EPP „ტვიტერზე“ წერს.

როგორც განცხადებაშია აღნიშნული, EPP მმართველი პარტიის ბოლოდროინდელი საკანონმდებლო ინიციატივით შეშფოთებულია.

„ევროპის სახალხო პარტია ღრმად არის შეშფოთებული საქართველოში მმართველი პარტიის ბოლოდროინდელი საკანონმდებლო ინიციატივით, რომელიც მიმართულია ყველაზე დიდი ოპოზიციური პარტიის წინააღმდეგ, რომელსაც მხარს უჭერს საქართველოს მოსახლეობის ერთი მესამედი.

მოვუწოდებთ საქართველოს, რომ ევროკავშირის მიერ აღიარებული ღირებულებებისკენ სვლა გააგრძელოს და ნაცვლად ოპოზიციისთვის დემოკრატიული უფლების შეზღუდვისა, დაუბრუნდეს კონსტრუქციულ დიალოგს და მოძებნოს კომპრომისული გამოსავალი, რომელიც საქართველოს ყველა მოქალაქეს სარგებელს მოუტანს“, - ვკითხულობთ ევროპის სახალხო პარტიის განცხადებაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა