ჯანდაცვის მსოფლიო ორგანიზაციის ევროპის რეგიონალური დირექტორის ჰანს კლუგეს განცხადებით, რეკომენდაციების დაცვას, მონაცემების მიხედვით, საქართველოში დადებითი ტენდენცია აქვს.

როგორც საქართველოში ჩამოსულმა ჯანმო-ს წარმომადგენელმა ეკატერინე ტიკარაძესთან შეხვედრის შემდეგ განაცხადა, გვირაბის ბოლოს შუქი ჩანს, თუმცა გარდამავალ პერიოდში, მნიშვნელოვანია რეკომენდაციების სრული დაცვა.

„ჩვენ ვისაუბრეთ და ნამდვილად, გვირაბის ბოლოს ჩანს შუქი, არსებობს კოვიდ19-ის საწინააღმდეგო ვაქცინა, მაგრამ საბოლოო შედეგამდე დროა დარჩენილი, ამიტომ ამ გარდამავალ პერიოდში, მნიშვნელოვანია, როგორც ევროპისთვის, ასევე საქართველოსთვის რეკომენდაციების სრული დაცვა

რეკომენდაციები, როგორიცაა ხელის ხშირი დაბანა, სოციალური დისტანცია, რესპირატორული ჰიგიენა, ნიღბის ტარება, იმ შემთხვევაში თუ თავს ცუდად იგრძნობთ, სახლში დარჩენა, არის მარტივად განსახორციელებელი ზომები და არ მოითხოვს მაღალ ტექნოლოგიებს, მაგრამ ეს ყველაფერი გადაარჩენს ბევრ სიცოცხლეს, თუკი მას მივსდევთ და შევასრულებთ.

მინდა გითხრათ, რომ მონაცემების თუკი შევხედავთ, დავინახავთ, რომ ამ ზომების განხორციელებას დადებითი ტენდენცია აქვს დღეს საქართველოში. ჩვენ ვიმუშავებთ მომდევნო ხუთი დღის მანძილზე ქალბატონ მინისტრთან და მეტ ინფორმაციას მოვიპოვებ და მეტი მეცოდინება“, - განაცხადა ჰანს კლუგემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს