ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი  ეკატერინე ტიკარაძე  კოვიდ 19-ის  საწინააღმდეგო ვაქცინაციის დანერგვის უწყებათაშორისი კომისიის წევრებს შეხვდა.  მხარეებმა  ვაქცინაციის დანერგვის გეგმის შემუშავებასა და სამომავლო გეგმებზე იმსჯელეს. განიხილეს „კოვაქსის“ პლატფორმიდან ვაქცინის მიღების შესაძლებლობა.

შეხვედრაზე ხაზი გაესვა  პრიორიტეტული ჯგუფების განსაზღვრის საკითხსაც.  კერძოდ საუბარია სამედიცინო პერსონალზე,  ქრონიკული დაავადების მქონე ადამიანებზე,  ხანდაზმულ მოქალაქეებზე, სტრატეგიული მნიშვნელობის დაწესებულებებში  მომუშავე ადამიანებზე  და სხვ.

„ჯგუფის წევრებთან ერთად იმ შესაძლებლობებზე  ვიმსჯელეთ, რომელიც კოვიდის საწინააღმდეგო ვაქცინის  დანერგვასთნ დაკავშირებით ქვეყანაში გვაქვს. ყველა ის ვაქცინა განიხილება , რომელსაც კარგი პერსპექტივა აქვს, იმისთვის რომ მოკლე ხანში  მისი გამოყენება ფართო მასშტაბით იყოს შესაძლებელი. განხილული იყო „კოვაქსის“ პლატფორმიდან ვაქცინის მიღების შესაძლებლობაც. შეხვედრაზე საუბარი შეეხო პრიორიტეტულ ჯგუფებსაც. აქ მოიაზრება სამედიცინო პერსონალი,  ქრონიკული დაავადების მქონე ადამიანები,  ხანდაზმულები და სტრატეგიული მნიშვნელობის დაწესებულებებში  მომუშავე ადამიანები“- განაცხადა თამარ გაბუნია.

ჯანდაცვის მინისტრის მოადგილის განცხადებით , მნიშვნელოვანია ქვეყანაში ვაქცინაციის შემოსატანად მოკლე გზა მოიძებნოს.

„მოსახლეობის პირველი 20%-ისთვის „კოვაქსის“ პლატფორმაზე განაცხადი გაკეთებულია. მისი ვადა 2021 წლის გაზაფხულია, მაგრამ მანამდე ვმუშაობთ აქტიურად , რათა მოიძებნოს მოკლე გზა ვაქცინაციის ქვეყანაში შემოსატანად. ეს შესაძლებელია იყოს ევროპის ქვეყნებთან უშუალო კომუნიკაცია,  სხვა ქვეყნების მიერ შეძენილი ვაქცინის ნაწილის გამოყენება  ან  პირდაპირ მწარმოებლებთან ვაქცინის მოპოვება. ჩვენ ყველა შესაძლო ვარიანტს განვიხილავთ“- განაცხადა თამარ გაბუნიამ.

ავტორი: NS (სტატია დაფინანსებულია),

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times