პანდემიის პირობებში, მარტოხელა ხანდაზმულებისთვის და სოციალურად დაუცველი სხვა კატეგორიის მოქალაქეებისთვის  დახმარების აქცია ისევ გრძელდება.

დღეს  დეველოპერულმა კომპანიამ „არქი“ თბილისის  მერიას სოციალურად დაუცველი 500 ოჯახისთვის   განკუთვნილი ნობათები გადასცა. პროდუქციის მიღებისა და დახარისხების პროცესს დედაქალაქის მერი კახა კალაძე, „არქის“ დამფუძნებელ ილია წულაიასთან და  მერის მოადგილე ილია ელოშვილთან ერთად გაეცნო.

თბილისის მერმა სოციალურად დაუცველი მოსახლეობის  მხარდაჭერის პროგრამაში ჩართულ კომპანიებს თანადგომისთვის მადლობა გადაუხადა. კახა კალაძის თქმით, კომპანიების მხრიდან  მხარდაჭერის პარალელურად, თბილისის მერიამ  უკვე შეძლო  დამატებითი  თანხების მობილიზება სხვადასხვა სოციალური საჭიროების მქონე მოსახლეობის დასახმარებლად.

„ჩვენ ვაგრძელებთ  დახმარების პროექტს. შევქმენით სპეციალური პლატფორმა, რომლის საშუალებითაც ბიზნეს სექტორის წარმომადგენლებს და ყველა იმ ადამიანს, ვისაც  სურვილი აქვს, შეუძლია ჩაერთოს აქციაში და დავეხმაროთ  ოჯახებს, ვისაც ამ პერიოდში ყველაზე მეტად გაუჭირდა. გარდა ბიზნესისა, მუნიციპალიტეტმა გამოყო სარეზერვო ფონდში თანხები და ეს თანხები მიმართული იქნება პროდუქტების შესაძენად, რომელიც შემდეგ დაურიგდება იმ ადამიანებს, იმ ოჯახებს, ვისაც სჭირდება ჩვენი მხრიდან თანადგომა. მინდა მადლობა გადავუხადო დეველოპერულ კომპანიას „არქი“, რომელმაც 500 ოჯახისთვის მოიტანა პროდუქტები.  ისინი მომდევნო დღეების განმავლობაში დარიგდება. კიდევ ერთხელ მინდა მივმართო მოქალაქეებს და ბიზნეს სექტორს,  ჩაერთონ ამ ძალიან კეთილ საქმეში.  სოლიდარობა არის ძალიან მნიშვნელოვანი  დავეხმაროთ და დავუდგეთ ერთმანეთს გვერდში ამ გაჭირვების დროს“, - განაცხადა კახა კალაძემ.

პანდემიის პირობებში, მარტოხელა ხანდაზმულებისთვის და სოციალურად დაუცველი სხვა კატეგორიის მოქალაქეებისთვის  დახმარების აქციას ამ ეტაპზე 25-ზე მეტი ბიზნესკომპანია შეუერთდა.

ავტორი: NS (სტატია დაფინანსებულია),

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times