საშინლად ბევრი მსხვერპლია მსოფლიოში და ჩვენს ქვეყანაში, თუ მივეჩვიეთ მარტო ჩამონათვალს, რამდენი გარდაიცვალა, ადამიანობას დავკარგავთ, - ამის შესახებ ბოდბელმა ეპისკოპოსმა, მეუფე იაკობმა ქადაგებისას განაცხადა.

მისი თქმით, ქვეყანაში მძიმე ეკონომიკური სიდუხჭირეა შექმნილი.

„დღეს ჩვენს ქვეყანაში ისეთი სიტუაციაა შექნილი, შეიძლება გარედან ჩიხური სიტუაციაც ჩანდეს, მაგრამ მჯერა, რომ ღმერთი კეთილ ნაწილს გამოარჩევინებს ჩემს ერს. რასთან დაკავშირებით ვსაუბრობ, ისევ და ისევ დღევანდელ სიტუაციასთან დაკავშირებით. ვიცით, რომ ეკონომიკური სიდუხჭირეა, პანდემიაა და საშინლად ბევრი მსხვერპლია ამით მსოფლიოში და ჩვენს ქვეყანაში. ეს არ უნდა იყოს სტატისტიკა. ჩვენ თუ მივეჩვიეთ მარტო ჩამონათვალს, რამდენი გარდაიცვალა, ადამიანობას დავკარგავთ. თითოეული გარდაცვლილი ადამიანი უნდა გვტკიოდეს იმიტომ, რომ რა ვიცით, როგორ წარდგება უფლის წინაშე. იცხოვრა, ამ პერიოდში დაავადდა და მომზადებული გავიდა თუ არა ამ ქვეყნიდან, არ ვიცით. როცა მომზადებული გადიხარ, ეს ძალიან კარგია, მაგრამ როდესაც არ ხარ მომზადებული, ეს უკვე ძალიან მძიმე თემაა. შევხედოთ, არც პოლიტიკური დაძაბულობაა დღეს ჩვენთვის რთული, რადგან დღეს საქართველოსთვის ყველაზე რთულია ის, თუ როგორი იქნება ჩვენი სახელმწიფო. რაც არ უნდა დაგვიპყრონ და ვინც არ უნდა დაგვიპყროს, ქვეყანაც გაგვაჩნია და სამშობლოც, თუმცა სახელმწიფოებრიობას ვკარგავთ ხოლმე“, - განცხადა მეუფე იაკობმა.

ავტორი: ექსპრესნიუსი,

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times