2020-11-09 16:40:28, 670 ნახვა
საზოგადოება
თბილისის მერია მოქალაქეებს აფრთხილებს, ნუ ენდობიან უცნობ პირებს, რომლებიც მერიის სახელით თანხის სანაცვლოდ სადარბაზოების დეზინფიცირებას სთავაზობენ
თბილისის მერიის განცხადებით, დედაქალაქში კვლავ გააქტიურდნენ უცნობი პირები, რომლებიც თბილისის მერიის სახელით, სხვადასხვა უბანში, კორპუსებში მცხოვრებ ოჯახებს გარკვეული თანხის სანაცვლოდ სადარბაზოების დეზინფიცირებას სთავაზობენ.
მათივე ცნობით, არც თბილისის მერიის და არც მის დაქვემდებარებაში მყოფი არცერთი უწყების კომპეტენციაში არ შედის სადარბაზოების დეზინფექცია, დეზინსექცია და დერატიზაცია.
შესაბამისად, უწყება მოუწოდებს მოსახლეობას არ ენდონ პირებს, რომლებიც თბილისის მერიის სახელით მომსახურებას სთავაზობენ.
ავტორი: NS (სტატია დაფინანსებულია),
epn.ge (@expressnews.ge)
