ნაძალადევის რაიონში, ჩარგლის ქუჩის გასასვლელში გზის რეაბილიტაცია სრულდება. პროექტის ფარგლებში, ასფალტის ორფენიანი საფარი 1 750 კვ.მ ფართობზე დაიგო, ასევე, მოეწყო ბორდიური.

ბოლო ეტაპის სამუშაოებს ნაძალადევის რაიონის გამგებელი ირაკლი ხელაძე საქართველოს პარლამენტისა და თბილისის საკრებულოს მაჟორიტარ დეპუტატებთან, მიხეილ ყაველაშვილთან და ალექსანდრე ხუჯაძესთან ერთად გაეცნო.

„სანზონაში კიდევ ერთი საგზაო პროექტი განვახორციელეთ. ამ მონაკვეთზე ძალიან ცუდი მდგომარეობა გვქონდა, დაზიანებული იყო გზის საფარი, რაც დისკომფორტს უქმნიდა ადგილობრივ მოსახლეობას. ასფალტის დაგების პროცესი სრულდება და მოქალაქეები რეაბილიტირებული გზით ისარგებლებენ“, - აღნიშნა ირაკლი ხელაძემ.

ჩარგლის ქუჩის გასასვლელში გზის კაპიტალური შეკეთებისთვის ნაძალადევის რაიონის გამგეობამ ბიუჯეტიდან 110 000 ლარი გამოყო.

ავტორი: NS (სტატია დაფინანსებულია),

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს