პარლამენტის თავმჯდომარე დავით უსუფაშვილის შეფასებით, „ნაციონალურ მოძრაობას“ მათი მმართველობის დროს მართლმსაჯულებასთან დაკავშირებით არსებული პრობლემები, რომ მოეგვარებინა მოქმედი ხელისუფლება ამ სფეროში კიდევ უფრო წინ წავიდოდა.

„მე ვისურვებდი, რომ „ნაციონალურმა მოძრაობამ“ თავისი ანალიზი არა ბოლო ერთ კვირას დაუთმოს და არა ბოლო სამ წელიწადს, არამედ ბოლო 10 წელიწადს. ძალიან მარტივად დაინახავენ, რომ ადამიანის უფლებები სწორედ ის სფეროა, სადაც ქართულ სახელმწიფოს აქვს მნიშვნელოვანი წინსვლა და წარმატება. მე არ მიხარია, რომ წარსულში დიდი პრობლემები იყო. „ნაციონალურ მოძრაობას“ თავად, რომ მოაგვარებინა პრობლემები და მართლმსაჯულება ყოფილიყო დამოუკიდებელი იმ დონით, რა დონითაც დღეს არის. პატიმრების უფლებები დაცული რომ ყოფილიყო, როგორც დღეს. პოლიტიკური ჩარევა მართლმსაჯულებაში ყოფილიყო ისე დაბალი, როგორც დღეს მაშინ ჩვენ საშუალება მოგვეცემოდა,კიდევ უფრო წინ წაგვეწია ეს საქმე. ასე რომ თუ „ნაციონალურ მოძრაობა“ რაიმე ანალიზს გააკეთებს, მე მას ვურჩევდი, რომ ცოტა დინამიკაში შეხედონ მოვლენებს და ძალიან ნათლად დაინახავენ, რომ პროგრესი სახეა. რაც შეეხება, უკმაყოფილებას ამა თუ იმ კონკრეტულ გადაწყვეტილებებზე ეს გარდაუვალი ამბავია ასე არის და იქნება მუდმივად. თუ ჩვენ სახელმწიფოებრივ ცხოვრებას გავაგრძელებთ“,-განაცხადა დავით უსუფაშვილმა. ცნობისთვის, „ნაციონალური მოძრაობა“ ამბობს, რომ რედისონში მიმდინარე კონფერენციაზე „პარლამენტის როლი ადამიანის უფლებათა ევროპული კონვენციის სტანდარტების დანერგვის პროცესში“ დისკუსიის ფარგლებში სურთ დააფიქსირონ, მოსაზრება, რომ ადამინის უფლებათა ევროპულ სტანდარტებს არ შეესაბამება, რაც გიგი უგულავასთან დაკავშირებით მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება