ბიძინა ივანიშვილის განცხადებით, მას  „ქართული ოცნების“ ყოფილი  მდივნის ზვიად ჯანყარაშვილისა და აჭარის აუდიტის დეპარტამენტის ყოფილი მოადგილის რომან ჩხენკელის მიერ თანამდებობების დაკავების შესახებ შენიშვნები ჰქონდა.

თუმცა, როგორც მან „იმედის“ ეთერში განაცხადა, მათი  თანამდებობების დატოვების შესახებ გადაწყვეტილება პრემიერ–მინისტრმა ირაკლი ღარიბაშვილმა თავად მიიღო.

„როდესაც ღარიბაშვილს ჩემი თანამდებობა დავუტოვე, მე მას გავაფრთხილე, რომ შენი პრობლემა იქნება შენი ნათესავები და შენი დაცვა. ამ მხრივ მას ჰქონდა გამოწვევები. როდესაც ღარიბაშვილი შს მინისტრი იყო, ჩემტან შეთანხმებით ჯანყარაშვილი დაიხმარა.  მაგრამ მემგონი ამაზე დროზე ადრე ვერ გაკეთდა რეაქცია. თვითონ ღარიბაშვილმა გააცნობიერა, რომ ასე არ შეიძლებოდა და მოუსმინა საზოგადოებას, მან გააკეთა დასკვნები.  ჯანყარაშვილთან დაკავშირებით მეც მქონდა შენიშვნები, არ ვმალავ.  ასევე რომან ჩხენკელზე, რომელსაც საკმაოდ დიდი თანამდებობა ჰქონდა, ბევრჯერ მაქვს ნათქვამი, რომ ეს კაცი აქ არ უნდა იყოს,  ის იყო „ნაციონალური მოძრაობის“  გუნდის წევრი.  მან გააკოტრა „ქართუ ბანკი“.  რამდენჯერმე ვუთხარი, თუმცა რეაგირება არ ჰქონდა, მე დაჟინებით არავისგან არაფერს არ ვითხოვ.  6–8 თვის შემდეგ მან ეს გაითვალისწინა, ვერ ვიტყვი ჩემი რჩევა გაითვალისწინა თქო, ამას თვითონ მიხვდა. გააკეთა დასკვნები“, – აღნიშნა ივანიშვილმა და აქვე დასძინა, რომ „თითქოს ღარიბაშვილის ნათესავები მთელ ქვეყანას მართავენ, ეს „ნაციონალური მოძრაობის“ კრიტიკა პოლიტიკურ ველს ანაგვიანებს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს