მე არ ჩავერთვები. ჭორაობისკენ მიდრეკილება არასოდეს არ მქონია.ვინ სად დაიბარა, ძალიან დიდი ბოდიში,-ასე გამოეხმაურა განათლებისა და მეცნიერების მინისტრი თამარ სანიკიძე ლევან ვასაძის მიერ გავრცელებულ ინფორმაციას, რომლის თანახმადაც, საგან "მე და საზოგადოება"-სთან დაკავშირებით, მინისტრი საპატრიარქოში დაიბარეს.
სანიკიძის თქმით, როცა პატრიარქზე საუბრობენ, ცოტა მეტი ყურადღებაა საჭირო. რაც შეეხება "მე და საზოგადოების ფარგლებში" განათლების სამინისტროს საპატრიარქოსთან ურთიერთობას,  სანიკიძის განმარტებით, პირველივე დღიდან მიმდინარეობს მუშაობა და საპატრიარქოს არანაირი განცხადება არ გაუკეთებია.
"მე არ ჩავერთვები. ჭორაობისკენ მიდრეკილება არასოდეს არ მქონია.ვინ სად დაიბარა, ძალიან დიდი ბოდიში.მე  ვფიქრობ რომ ამ თემებზე უფრო მოკრძალებით და მითუმეტეს,  როცა პატრიარქზე ვსაუბრობთ, ცოტა მეტი ყურადღება გვმართებს.რაც შეეხება საპატრიარქოსთან ურთიერთობას "მე და საზოგადოების" ფარგლებში, განათლების  კომიტეტი, რომელიც მუშაობს საპატრიარქოში, მათთან ერთად პირველი დღიდან მიდის მუშაობა. დაახლოებით 12 თემატური შეხვედრა ჩატარდა, რის ფარგლებშიც დავამუშავეთ ეს საგანი.საპატრიარქოს ამ საგანთან დაკავშირებით არანაირი განცხადება არ გაუკეთებია და დარწმუნებული ვარ, არც გააკეთებს იმიტომ, რომ სამუშაო რეჟიმში ვართ და ჯერ კიდევ არ დაგვისრულებია ამაზე მუშაობა.შესაბამისად, ნებისმიერი ადამიანი, ვინც მათი სახელით ასეთად ილაპარაკებს,ალბათ ამაზე უფრო უნდა დაფიქრდეს",-განაცხადა თამარ სანიკიძემ და აქვე დასძინა, რომ "მე და საზოგადოება" არის  ახალი ეროვნული სასწავლო გეგმით გასათვალისწინებელი საგანი, რაც ნიშნავს, რომ ჯერ უნდა დამტკიცდეს სტანდარტი, შემდეგ პროგრამა, შემდეგ შემუშავდეს ლიტერატურა,  მომზადდეს პედაგოგი და ამის შემდეგ შევიდეს სასწავლო პროცესში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ