კალაძე: ყურძნის სუბსიდირება წელს არ იგეგმებოდა, თუმცა იმ პრობლემების გათვალისწინებით, რაც მსოფლიოში შეიქმნა, გადაწყვეტილება მივიღეთ

2015-09-12 15:20:51, 2086 ნახვა

კომენტარი

საქართველოს ვიცე-პრემიერის, ენერგეტიკის მინისტრის კახა კალაძის განცხადებით, ყურძნის სუბსიდირებას წელს სახელმწიფო არ გეგმავდა.

მისივე განმარტებით, გლეხებზე სუბსიდიის გაცემა ბოლო თვეებში, რეგიონში განვითარებული მოვლენების გათვალისწინებით გადაწყდა.

„სუბსიდიის თემა თავიდან არც იყო გაწერილი, რადგან ჩვენ ვუყურებდით თუ როგორ ხორციელდებოდა ღვინის გაყიდვა, ძალიან ბევრ ქვეყანაში შევძელით ქართული ღვინის გატანა. ღვინის კომპანიებს სახელმწიფო დაეხმარა სხვადასხვა ქვეყანაში, მათ შორის ყაზახეთში, ჩინეთსა და იაპონიაში და სწორედ ამიტომ სუბსიდირება არ იგეგმებოდა, თუმცა იმ პრობლემების გათვალისწინებით რაც მსოფლიოში შეიქმნა ბოლო თვეების განმავლობაში, სახელმწიფომ სუბსიდირებასთან დაკავშირებით გადაწყვეტილება მიიღო“, - განაცხადა კალაძემ.

ცნობისთვის, მევენახეები უკვე რამდენიმე დღეა აქციებს მართავენ. ისინი ყურძნის ფასით არიან უკმაყოფილო. თეთრი ყურძნის ღირებულება 60 თეთრს შეადგენს, საფერავის კი, 85 თეთრს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან