დიდუბის რაიონის გამგეობამ რობაქიძის გამზირზე, დიღმის მასივის მეექვსე კვარტლის 21-ე კორპუსის მიმდებარედ მოსასვენებელი სივრცის მოწყობის სამუშაოები დაასრულა.

ტერიტორია 1 900 კვ.მ ფართობს მოიცავს, რომელშიც სხვადასხვა სახის ინფრასტრუქტურული სამუშაო განხორციელდა. მათ შორის, სივრცეში განთავსდა თანამედროვე ტიპის საპარკე ფურნიტურა, მოეწყო განათების სისტემა, გაკეთდა ფერადი ბილიკები, პატარებისთვის მოეწყო სათამაშო ზონა.

აღნიშნულ სივრცეში გამწვანების მნიშვნელოვანი სამუშაოები ჩატარდა. სპეციალურად გამოყოფილ თარგებში დაიგო რულონური ბალახი და მოეწყო სარწყავი სისტემა. ტერიტორია ე.წ „ცოცხალი კედლით“ შემოისაზღვრა და დაირგო მარადმწვანე მცენარეები.

სამუშაოები ადგილობრივი მოსახლეობის ჩართულობითა და მათთან შეთანხმებული პროექტით განხორციელდა. სივრცე გათვლილია ყველა ასაკის ადამიანისთვის.

მოსასვენებელი სივრცის მოწყობა, დიდუბის რაიონის გამგეობის დაკვეთით, კომპანიამ „სერვისი 2015“ განახორციელა, რომლისთვისაც ადგილობრივი ბიუჯეტიდან 260 182 ლარი გამოიყო.

დასრულებულ სამუშაოებს დიდუბის რაიონის გამგებელი ირმა ზავრადაშვილი მოსახლეობასთან, საკრებულოს მაჟორიტარ დეპუტატთან თარაშ შურღაიასთან და შემსრულებელი კომპანიის წარმომადგენლებთან ერთად გაეცნო.

ავტორი: NS (სტატია დაფინანსებულია),

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა