ჩუღურეთის რაიონში, „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ბენაშვილის ქ. N7/14-ში მდებარე ავარიული საცხოვრებელი სახლის კაპიტალური გამაგრების სამუშაოები მიმდინარეობს.

პროექტის ფარგლებში, შენობის საძირკვლის გამაგრება და კედლების მოწყობა, ლითონის ელემენტებით ფანჯრებისა და კარის ღიობების მოჩარჩოება, არმატურის ჯავშანში დაზიანებული ელემენტების ჩასმა, ბზარების დამუშავება და სპეციალური მასალით შევსება მოხდება. ასევე, მოეწყობა სეისმური სარტყელი.

მიმდინარე სამუშაოებს ჩუღურეთის რაიონის გამგებელი ზურაბ ჩიკვილაძე  გაეცნო და ადგილობრივ მოსახლეობას შეხვდა.

„ბენაშვილის 7/14-ში თბილისური ტიპის ეზოში მცხოვრებლები წლების განმავლობაში მძიმედ ავარიულ სახლში იმყოფებოდნენ. ჩვენ დავპირდით მოსახლეობას, რომ ამ ულამაზეს სახლს 2020 წელს გავამაგრებდით. სამუშაოების დასრულების შემდეგ, ადგილობრივები უსაფრთხო გარემოში იცხოვრებენ. მსგავსი სამუშაოები მიმდინარე წელს 12 მისამართზე უკვე დასრულდა, 14 მისამართზე მიმდინარეობს და წლის ბოლომდე კიდევ 10-მდე საცხოვრებელი სახლი გამაგრდება“, - განაცხადა ზურაბ ჩიკვილაძემ.

სამუშაოებს, ჩუღურეთის რაიონის გამგეობის დაკვეთით, კონტრაქტორი კომპანია ასრულებს და მისი ღირებულება 216 000 ლარია.

ავტორი: NS (სტატია დაფინანსებულია),

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა