„ელექტრონული კომუნიკაციების შესახებ“ კანონში შესატანი ცვლილებების პროექტის განხილვა გადაიდო

2020-07-13 11:01:03, 1302 ნახვა

პოლიტიკა

„ელექტრონული კომუნიკაციების შესახებ“ კანონში ცვლილებების პროექტის განხილვა გადაიდო, - აღნიშნულის შესახებ დარგებრივი ეკონომიკის კომიტეტის თამჯდომარემ რომან კაკულიამ განაცხადა.

მისი თქმით, სხდომა გადაიდო იმიტომ, რომ მაქსიმალურად მოხდეს მიღწეული კონსესუსი პროვაიდერებსა და მარეგულირებელს შორის.

„კომიტეტზე კანონპროექტის განხილვა გადაიდო, რათა მაქსიმალურად იქნას მიღწეული კონსესუსი პროვაიდერებსა და მარეგულირებელს შორის. გასაგებია, რომ ჩვენ ვსაუბრობთ ძალიან მნიშვნელოვან მოცემულობაზე, რომელსაც ჰქვია სახელმწიფოს აუცილებელი ზედამხედველობა კრიტიკულ ინფრასტრუქტურაზე, მაგრამ ამ პროცესში ცხადია, ასევე მნიშვნელოვანია, არსებობდეს მაქსიმალური ურთიერთგაგება მარეგულირებელსა და იმ კომპანიებს შორის, რომელთაც ეხება ეს კანონპროექტი“, - განაცხადა რომან კაკულიამ.

კაკულია განმარტავს, რომ აღნიშნული კანონპროექტის განხილვა ხვალ, 14 ივლისს განახლდება.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან