"თორნიკე ნამდვილი პატრიოტია და მას საკუთარი ქვეყანა უყვარს" , - ამის შესახებ საქართველოს საკალათბურთო ნაკრების წევრმა ვიქტორ სანიკიძემ განაცხადა. 

მან ასევე აღნიშნა, რომ პოლიტიკისა და სპორტის ერთმანეთში არევა არ უნდა ხდებოდეს.

"მოსალოდნელი იყო, რომ ქართველების გარკვეულ ნაწილს ამ ტრანსფერზე ასეთი რეაქცია ექნებოდა. რუსეთში მე და მარკოიშვილიც ვთამაშობდით, მაგრამ სპორტსა და პოლიტიკას ერთმანეთისგან ყოველთვის ვმიჯნავდი.

თორნიკე ნამდვილი პატრიოტია და მას საკუთარი ქვეყანა უყვარს. თუმცა, მოიძებნებიან ადამიანები, რომლებსაც სპორტი და პოლიტიკა არ ესმით, როგორც ჩანს, მათთვის სხვების კრიტიკა და შეურაცხყოფა მოსახერხებელია.

შენგელიას ,,ცსკა-ში' გადასვლა მახარებს, ის ევროლიგის საუკეთესო ფორვარდია და ტურნირის ყველაზე სტაბილურ გუნდს უერთდება.

ჩვენ საკუთარ საქმეს ვაკეთებდით, ვვარჯიშობდით, ვთამაშობდით. პარკეტს მიღმა ან გასახდელში პოლიტიკას არასდროს არ განვიხილავდით. მერწმუნეთ, სხვა ბევრი სასაუბრო თემა არსებობს" , - განაცხადა ვიქტორ სანიკიძემ.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით