ზელიმხან ხანგოშვილი რუსეთის ხელისუფლების დაკვეთით მოკლეს - გერმანიის ოფიციალური დასკვნა

2020-06-18 15:09:28, 1304 ნახვა

საზოგადოება

გერმანიის ფედერალურმა პროკურატურამ ბრალდება წარუდგინა ყოფილი ჩეჩენი საველე მეთაურის, 2019 წლის 23 აგვისტოს ბერლინის ცენტრში მოკლული საქართველოს მოქალაქე ზელიმხან ხანგოშვილის მკვლელობაში ეჭვმიტანილს.

როგორც უწყების ვებ-საიტზე განთავსებულ ინფორმაციაში წერია, ეჭვმიტანილმა ბოროტმოქმედება ჩაიდინა რუსეთის სამთავრობო ორგანოების დაკვეთით.

ამასთანავე, როგორც 70 გვერდიან ბრალდებაში ვკითხულობთ, ფედერალური პროკურორი, მკვლელობაში პირდაპირ და ცალსახად, პუტინის რეჟიმს ადანაშაულებს.

ტექსტში ნახსენებია, რომ ხანგოშვილი რუსეთის ფედერალური ჯარების წინააღმდეგ იბრძოდა ჩეჩენი სეპარატისტების მხარეს, 2008 წელს კი საქართველოში მეომრები შეკრიბა რუსეთის არმიის წინააღმდეგ საბრძოლველად სამხრეთ ოსეთში.

გერმანიაში შიშობენ, რომ ამ ბრალდებით, გერმანია-რუსეთის ურთიერთობები მწვავე გამოცდისა და აფეთქების წინაშე დადგა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან