ფოთის მერიის სამსახურები 24 საათიან რეჟიმში მუშაობენ.

ფოთის მუნიციპალიტეტის გამგეობის ინფორმაციით, ძლიერი წვიმების გამო, ფოთში რამდენიმე ქუჩა და საცხოვრებელი სახლის პირველი სართული დაიტბორა. უამინდობის გამო ქალაქის ნაწილს ელექტროენერგიის მიწოდება დროებით შეეზღუდა,თუმცა მომხდარი დაზიანება ,, ენერგო–პრო ჯორჯია’’-ს სამუშაო ჯგუფმა 40 წუთში აღადგინა.

ქალაქ ფოთის მუნიციპალიტეტის მერიის სტრუქტურები და სამაშველო სამსახური 24 საათიან სამუშაო რეჟიმში იმყოფება. მთელი ღამის განმავლობაში ადგილზე იმყოფებოდნენ ქალაქის მერის მოადგილეები და სხვა ხელმძღვანელი პირები. მერიის არქიტექტურის სამსასხურის უფროსის ზურაბ ყურუას ინფორმაციით, ქალაქში მოქმედი შვიდივე სატუმბი სადგური დაუბრკოლებლად მუშაობს. დატბორვა ინტენსიურმა ნალექმა გამოიწვია და ამჟამად ქალაქის ქუჩებში წყალი არ დგას.

ქალაქ ფოთის მუნიციპალიტეტის მერის მოადგილის ნიკოლოზ გროგოლიას განცხადებით ხშირი ნალექების გამო ქალაქის დატბორვის თავიდან ასაცილებლად, პერსპექტივაში მნიშვნელოვანი პრიორიტეტებია დასახული. კერძოდ, უახლოეს პერიოდში, მუნიციპალური განვითარების ფონდის დახმარებით, დამატებით უნდა აშენდეს ერთი სატუმბი სადგური და კეთილმოეწყოს სანიაღვრე არხები. ქალაქის დატბორვისაგან სრული პრევენციისათვის კი საჭიროა კიდევ 7 ახალი სატუმბი სადგურისა და კომუნიკაციების ამოქმედება, რასაც ადგილობრივი ხელისუფლება პერსპექტივაში ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ