აჭარის პროკურატურასთან ე.წ კანონიერი ქურდის, მინდია ლავასოღლის ოჯახის წევრები აქციას აგრძელებენ

2020-06-04 17:29:39, 2814 ნახვა

საზოგადოება

აჭარის პროკურატურასთან კარვებია გაშლილი. ჯამში 17 პირი შიმშილობს, ხოლო 4 პირს პროტესტის ნიშნად პირი აქვს ამოკერილი.

აქციის მონაწილეები მთავრობას ხვალ, 15 საათამდე აძლევენ დროს, რომ მიიღონ პასუხი, როდის დაიწყება ლავასოღლის თურქეთის საპატიმროდან ექსტრადირების საკითხი.

მათივე თქმით, თუ ხელისუფლება დიალოგს არ დაიწყებს, ისინი სარფის საბაჟოს პიკეტირებას მოახდენენ.

ცნობისთვის, ლავასოღლის ექსტრადიციის მოთხოვნით, მისი ოჯახის წევრებმა აქცია ბოლო რამდენიმე თვის განმავლობაში არაერთხელ გამართეს. 2020 წლის იანვარში, საქართველოს გენერალურმა პროკურატურამ განაცხადა, რომ მინდია ლავასოღლის საქართველოში ექსტრადირების თაობაზე თურქეთის იუსტიციის სამინისტროს ჯერ კიდევ 2018 წლის 27 ნოემბერს მიმართა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან