საქართველოს გარემოსა და ბუნებრივი რესურსების დაცვის მინისტრ გიგლა აგულაშვილის განცხადებით, ბრაკონიერებისა და ხე-ტყის უკანონო ჭრის მომპოვებლების წინააღმდეგ შეურიგებელი იქნებიან. ამ კომენტარით აგულაშვილი გუშინ სვანეთში მომხდარ ფაქტს გამოეხმაურა. კერძოდ, ადგილობრივმა მოსახლეობამ სოფელ ჭუბეთთან ხე-ტყის ჭრის უფლების მიღების მოთხოვნით, გზა გადაკეტა. მათ დაახლოებით 7 საათის განმავლობაში გზა ქვებით ჰქონდათ ჩახერგილი აგულაშვილის თქმით, ხე-ტყის ჭრა მომავალში ძალიან რთულ პრობლემებს წარმოქმნის. მისივე განმარტებით, სახელმწიფო მოქალაქეებთან დიალოგისთვის მზადაა. "ზოგიერთისთვის პატრიოტიზმი როგორც ჩანს გაიგივებულია ხის უკანონო ჭრასთან. ჩვენ ვთავაზობთ ყველას სვანეთში და საქართველოს მთელ ტერიტორიაზე, ყველა იმ ადამიანს, ვინც დღესაც აგრძელებს უკანონო რეწვას, უკანონო მოპოვებას, უკანონო ჭრას, შემოვიდნენ სახელმწიფოსთან კომუნიკაციაში, ითანამშრომლონ ჩვენთან. ვთავაზობთ მათ რეალურ დასაქმებას და ჩრდილოვანი ეკონომიკური პროცესების საქართველოს ბიუჯეტის სასარგებლოდ გარდაქმნას. ვთავაზობთ კონკრეტულ პირობებს, მზად ვართ დიალოგისთვი. შევუთვალეთ მათ კიდეც. ამავე დროს შეურიგებელი ვიქნებით ბრაკონიერების წინააღმდეგ, ხე ტყის უკანონო ჭრის მომპოვებლების წინააღმდეგ, რადგან ეს გაცილებით უფრო რთული პრობლემების წარმომქმნელი და შემქმნელია, ვიდრე დღევანდელი თემები და საკითხები",-განაცხადა გიგლა აგულაშვილმა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება