2020-05-29 17:56:49, 1255 ნახვა
პოლიტიკა
გოცირიძე მდინარაძეს - 5 წუთში 8 სიმართლე გესროლეთ პირდაპირ ფეხებში, შემეცოდეთ და შუბლში არ გაგარტყით
5 წუთის განმავლობაში 8 სიმართლე გესროლეთ პირდაპირ ფეხებში, - ასე გამოეხმაურა ფრაქცია „ნაციონალური მოძრაობის“ თავმჯდომარე რომან გოცირიძე საპარლამენტო უმრავლესობის ლიდერის, მამუკა მდინარაძის განცხადებას, რომლის თანახმად გოცირიძემ 5 წუთში 8-ჯერ მოიტყუა. როგორც მან აღნიშნა, მის მიერ ნათქვამი 8 სიმართლე ოფიციალური სტატისტიკითაა განმტკიცებული. „ჩემი გამოსვლის შემდეგ ბატონ პრემიერ-მინისტრს გამოუჩნდნენ დამცველები. ადვოკატის როლი პირველმა იკისრა ბატონმა კობახიძემ, რომელმაც განაცხადა, რომ რომან გოცირიძემ 5 წუთში 8-ჯერ მოიტყუაო. 5 წუთის განმავლობაში 8 სიმართლე გესროლეთ პირდაპირ ფეხებში. შემეცოდეთ, შუბლში არ გაგარტყით, მაგრამ ფეხებში მოგხვდათ. ეს 8 სიმართლე ბატონო პრემიერ-მინისტრო იყო ის, რომ ყველა ჩემი სიტყვა არის განმტკიცებული ოფიციალური სტატისტიკით. თქვენი წერილი არის მხოლოდ საკუთარი ცრუ ინფორმაცია და ცრუ ინტერპრეტაცია. გაგიგონიათ ასეთი რამ, 2019 წლის შიმშილის მსოფლიო ინდექსი. საქართველოში ყველაზე მეტად შიმშილობენ რეგიონებში. საქართველო შიმშილის ინდექსში არის ერთ-ერთ ყველაზე უარეს ადგილას. კიდევ ერთი ინფორმაცია, რომლის თქმაც ვერ მოვასწარი. ტრაბახობდით სკოლებში დისტანციურ სწავლებას ვატარებთო და ფაქტობრივად ჩაიშალა სასწავლო პროცესი. საქართველო რეგიონში ბოლო ადგილას არის ინტერნეტიზაციის კუთხით მეზობელ და აღმოსავლეთ პარტნიორობის ქვეყნებს შორის. მხოლოდ და მხოლოდ 63% არის ინტერნეტიზებული. ბელორუსიაში არის 79%, რუსეთში 81% და ასე შემდეგ. ყველა გვისწრებს“, - განაცხადა რომან გოცირიძემ. ავტორი: ექსპრესნიუსი, საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება
სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება
სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა
კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|