კალაძე - საზოგადოებრივი ტრანსპორტის აღდგენა სავარაუდოდ, ივნისის დასაწყისში მოხდება

2020-05-25 16:42:26, 1036 ნახვა

საზოგადოება

საზოგადოებრივი ტრანსპორტის მოძრაობა, სავარაუდოდ, ივნისის დასაწყისიდან აღდგება. ამის შესახებ თბილისის მერმა კახა კალაძემ ჟურნალისტებს განუცხადა.

როგორც კალაძემ აღნიშნა, გავრცელებული ინფორმაცია, რომ საზოგადოებრივი ტრანსპორტი შესაძლოა 15 ივლისამდე იყოს აკრძალული, სიმართლეს არ შეესაბამება.

„ზუსტი თარიღი ჩვენ არ გვაქვს. დღეს უწყებათაშორისი საკოორდინაციო სხდომარა გაიმართა, სადაც მე დავსვი საზოგადოებრივი ტრანსპორტის ამუშავების საკითხი. ძალიან დიდი მასზე მოთხოვნა საზოგადოებაში, ველოდებით რეკომენდაციებს. ჯერჯერობით არაფერი არ არის ჩვენთან შემოსული თუ როგორ უნდა დაიცვას ხალხმა წესები საზოგადოებრივი ტრანსპორტის მუშაობისას. ჩვენ გვაქვს სრული მზადყოფნა, როდესაც იქნება გადაწყვეტილება მიღებული ეპიდემიოლოგების მხრიდან.... სავარაუდოდ, ივნისის დასაწყისში მოხდება საზოგადოებრივი ტრანსპორტის მოძრაობის აღდგენა... ველოდებით მითითებებს“, - განაცხადა კახა კალაძემ.

ავტორი: ექსპრესნიუსი,