2020-05-01 12:41:50, 1443 ნახვა
საზოგადოება
შსს-ის სასაზღვრო პოლიციის ვერტმფრენმა ადგილობრივი მოსახლეობის დასახმარებლად, სამოქალაქო რეისები შეასრულა
შინაგან საქმეთა სამინისტროს სასაზღვრო პოლიციის ვერტმფრენმა თუშეთის მიმართულებით, ადგილობრივი მოსახლეობის დასახმარებლად, სამოქალაქო რეისები შეასრულა.
ვერტმფრენმა ალვანი-ომალოს მიმართულებით იფრინა და თუშეთის რამდენიმე სოფლის მკვიდრს ტრანსპორტირებაში, ასევე, საჭირო პროდუქტებისა და ნივთების გადაზიდვაში დაეხმარა. გარდა ამისა, სასაზღვრო ვერტმფრენის მეშვეობით მესაზღვრეთა როტაცია განხორციელდა.
რთული გეოგრაფიული და მეტეოროლოგიური პირობების გამო, თუშეთის სოფლები გარე სამყაროს ჯერ კიდევ მოწყვეტილია და მოსახლეობასთან კომუნიკაცია შინაგან საქმეთა სამინისტროს სასაზღვრო პოლიციის ვერტმფრენის საშუალებით ხდება.
ავტორი: NS (სტატია დაფინანსებულია),
epn.ge (@expressnews.ge)
