კლიმატის  ცვლილების კონვენციის ახალი ხელშეკრულებისთვის, საქართველოს ეროვნულ დონეზე განსაზღვრული წვლილის (INDC) სამუშაო დოკუმენტზე სასტუმრო „ქორთიარდ მარიოტში“ იმსჯელეს.

როგორც „ექსპრესნიუსს“ გარემოს დაცვის სამინისტროდან აცნობეს, კონფერენციის მონაწილეებს გარემოსა და ბუნებრივი რესურსების დაცვის მინისტრმა გიგლა აგულაშვილმა  მიმართა.

სამინისტროს მიერ წარმოდგენილი დოკუმენტის სამუშაო ვერსიის განხილვაში მონაწილეობა გარემოსდაცვითი არასამთავრობო ორგანიზაციის, საერთაშორისო და დიპლომატიური კორპუსის წარმომადგენლებმა მიიღეს და    საკუთარი ხედვები წარმოადგინეს.

დოკუმენტის საბოლოო ვერსია კი დასამტკიცებლად საქართველოს მთავრობას წარედგინება.

უწყების ინფორმაციით, ეროვნულ დონეზე განსაზღვრული წვლილის დოკუმენტის შემუშავება გაეროს კლიმატის ცვლილების ჩარჩო კონვენციის მხარეთა კონფერენციამ ვარშავაში კონვენციის მხარე-ქვეყნებისგან მოითხოვა. დოკუმენტი საფუძვლად დაედება მომავალ საერთაშორისო შეთანხმებას, რომელსაც მიმდინარე წლის დეკემბერში პარიზში მიიღებენ.

შეხვედრა გარემოსა და ბუნებრივი რესურსების  დაცვის სამინისტროსა  გერმანიის საერთაშორისო თანამშრომლობის საზოგადოების (GIZ) ორგანიზებით გაიმართა.

ამასთან, ევროკავშირის მისიის წარმომადგენელმა საქართველოში ალვარო ორტეგამ აღნიშნა, რომ დოკუმენტში ასახული იქნება საქართველოს წვლილი ტყის სექტორში ემისიების შემცირების შესახებ.

„დღეს მნიშვნელოვანი დღეა, რადგან ჩვენ განვიხილეთ  ეროვნულ დონეზე განსაზღვრული წვლილის დოკუმენტი, სადაც ასახული იქნება საქართველოს წვლილი ტყის სექტორში ემისიების შემცირების შესახებ. ქვეყანა ასევე აქტიურად იმუშავებს ენერგოეფექტურობის მიმართულებით“,-განაცხადა ორტეგამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ