საქართველოს ხელისუფლების განცხადებები, მიხეილ სააკაშვილის უკრაინის ვიცე პრემიერად დანიშვნის შესახებ, უკრაინის სუვერენულ საქმიანობაში ჩარევაა - ამის შესახებ, ფრაქცია „ხალხის მსახურის“ ხელმძღვანელმა, დავით არახამიამ განაცხადა.

“თუ ჩვენ დიპლომატიური პრობლემები გვექნება, მაშინ საქართველოს უფრო ძლიერი დიპლომატიური პრობლემები შეექმნება ვიდრე ჩვენ. ეს ხომ ამერიკა არ არის, რომელიც ამბობს, რომ  - დიპლომატიური პრობლემები გექნებათ, ეს საქართველოა, ამის შესახებ არ უნდა დავივიწყოთ“, - განაცხადა დავით არახამიამ.

მან ასევე აღნიშნა, რომ თვითონაც ქართველია და შესანიშნავად ესმის თუ რა დამოკიდებულებას იწვევს მიხეილ სააკაშილი მოქმედ ხელისუფლებაში.

„ეს უბრალოდ ზეწოლის განხორციელების მცდელობაა. ჩვენ სუვერენული სახელმწიფო გვაქვს და მსოფლიოში ვერცერთი ქვეყანა ვერ მიგვითითებს, თუ ვინ უნდა დავნიშნოთ ვიცე-პორემიერის პოსტზე“, - განაცხადა არახამიამ.

მან ასევე ხაზი გაუსვა იმასაც, რომ ბევრი უკრაინელი ტურისტი სტუმრობს საქართველოს და არ იქნება ქვეყნისთვის მომგებიანი მათზე უარის თქმა.

„ზუსტად საქართველოსთვის იქნება წამგებიანი, უკრაინელი ტურისტების დაკარგვა, მხოლოდ იმიტომ, რომ ვიღაცამ ვიღაც სადღაც არ დანიშნა“, - გნაცხადა არახამიამ.  

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ბერნჰემი: რუსეთი ჩაერია დიდი ბრიტანეთის ევროკავშირიდან გასვლის შესახებ რეფერენდუმში

FT: კრემლმა ევროპული თავდაცვის კომპანიების ტოპ მენეჯერებზე ნადირობა გამოაცხადა

ზელენსკიმ განაცხადა, რომ მზადაა ქვეყანაში არჩევნები ჩაატაროს, თუ პუტინი 60-დღიან ცეცხლის შეწყვეტას დათანხმდება

უკრაინის დარტყმებს შესაძლოა Yandex-ის სამივე სუპერკომპიუტერი გამოეყენებინა