ლედი გაგამ , რომელმაც დიდი ხნის წინ დაანონსებული ალბომის "Chromatica"-ს პრემიერა პანდემიის გამო გადადო, ჯანდაცვის მსოფლიო ორგანიზაციასთან ერთობლივი პროექტის შესახებ საკუთარ გულშემატკივრებს "ინსტაგრამის" გვერდზე ამცნო.

გაგას თქმით, პროექტი ბევრი ვარსკვლავის ერთობლივ ონლაინ-კონცერტს წარმოადგენს, რომლის მიზანი პანდემიასთან ბრძოლაში ცნობილი სახეების ჩართვაა. 
გაგა პირველი მუსიკალური შემსრულებელია, რომელიც Global Citizen-ისთვის (საქველმოქმედო ფონდი , რომელიც ღარიბ მოსახლეობას ეხმარება) 2030 წლისთვის მიზნად 35 000 000 $ შეგროვებას აპირებს და როგორც ჩანს ეს მას გამოუვა, რადგან თანხის 1/4 უკვე შეგროვებულია. 
დაანონსებულ კონცერტს One World:Together at Home ერქმევა.
შეგროვებული თანხა  ჯანდაცვის მსოფლიო ორგანიზაციის ფონდში სრულად გადაირიცხება, შემდეგ კი სამედიცინო პერსონალის აღჭურვისთვის, კორონავირუსული ინფექციის ტესტირების მეტად ხელმისაწვდომობისთვის და ანტიდოტის შექმნისთვის იქნება გამოყენებული.

კონცერტისთვის მოსამზადებელი სამუშაოები 3 დღის წინ დაიწყო, ეს ახალი ათასწლეულის ყველაზე დიდი ონლაინ შოუ იქნება, რომელსაც ABC, NBC, CBS და ბევრი სხვა ტელეარხი ონლაინ რეჟიმში გაავრცელებს, აგრეთვე მისი ხილვა ინტერნეტის საშუალებით იქნება შესაძლებელი.
მედიაში გავრცელებული ინფორმაციით, შოუში ისეთი ვარსკვლევები მიიღებენ მონაწილეობას, როგორებიც გახლავთ ელტონ ჯონი, ბილი აილიში, Lizzo, კრის მარტინი, პოლ მაკარტნი, სტივ უანდერი, ჯონ ლეგენდი, დევიდ ბექხემი და სხვები.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ