2020-04-08 16:00:44, 938 ნახვა
საზოგადოება
სოციალურად დაუცველი მარტოხელა მოხუცების დახმარების აქცია გრძელდება
სოციალურად დაუცველი მარტოხელა მოხუცების დახმარების აქციას ამჯერად ბიზნესკომპანიები „აქსის თაუერსი“, X2, „არდი“, „ავერსი“, „გალფი“, „ეფლ სითი“, „ვილა რეზიდენსი“, „გუდ კომპანი“ და „ბადაგონი“ შეუერთდნენ. თბილისის მერიისა და „საქართველოს წითელი ჯვრის“ ორგანიზებით მიმდინარე აქციის ფარგლებში, კომპანიებმა ხანდაზმულებისთვის გადასაცემი ნობათები ამ მიზნით შერჩეულ სპეციალურ ფართში მიიტანეს. პროცესს დღეს თბილისის მერი კახა კალაძე მოადგილეებთან ილია ელოშვილთან და სოფიო ხუნწარიასთან ერთად დაესწრო. „ვაგრძელებთ აქტივობას, რომელიც ძალიან მნიშვნელოვანია იმ კონკრეტული ადამიანებისთვის, ვისაც დღეს ყველაზე მეტად უჭირს და დახმარებას ჩვენგან საჭიროებს. ამ პროცესში ჩართულია ბიზნესსექტორი, ასევე, რიგითი მოქალაქეები, რომლებიც როდესაც შედიან სუპერმარკეტებში სურსათის შესაძენად, ასევე ყიდულობენ ჩვენ მიერ „წითელ ჯვართან“ ერთად შერჩეულ პროდუქტს ხანდაზმულთა დასახმარებლად. დიდია აქტიურობა, სოლიდარობა და მხარდაჭერა. დღეს აქ წარმოდგენილია რამდენიმე კომპანია: „აქსის თაუერსი“, რომელმაც 1000 ოჯახისთვის მოგვაწოდა საკვები პროდუქტები, ასევე, X2, „არდი“, „ავერსი“, „გალფი“, „ეფლ სითი“, „ვილა რეზიდენსი“, „გუდ კომპანი“ და „ბადაგონი“. დიდი მადლობა მათ იმ მოხუცების და შეჭირვებული ოჯახების სახელით, რომელთაც ვეხმარებით“,- განაცხადა კახა კალაძემ. მარტოხელა ხანდაზმულების დახმარების კამპანია გრძელდება. ბიზნესკომპანიებს, რომელთაც ქველმოქმედების სურვილი აქვთ, პროდუქტების მიტანა თბილისში, ბელიაშვილის N5-ში მდებარე სპეციალურ ფართში შეუძლიათ. ნობათს, რომელიც როგორც საკვებ პროდუქტს, ისე პირველად საჭიროების ნივთებს მოიცავს, მარტოხელა მოხუცებს „წითელი ჯვრის“ მოხალისეები და გამგეობების თანამშრომლები გადასცემენ, რომელთაც უსაფრთხოების მიმართულებით სპეციალური ტრენინგი აქვთ გავლილი. ავტორი: NS (სტატია დაფინანსებულია), იუკნევიჩიენე - საქართველოს სჭირდება დებიძინიზაციის კანონები და არა რუსული, უცხოელი აგენტების კანონი
ოპოზიციური პარტიები - ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის
პესკოვი - უკრაინისადმი აშშ-ის სამხედრო დახმარება ფრონტის ხაზზე ვითარებას ვერ შეცვლის
კვიჟინაძე - არც ერთი შეხვედრა არ ყოფილა, რომ მანჯგალაძეს და ვაშაძეს არ ეთქვათ, რუსეთიდან რომ კომპანიები გამოდის, რატომ არ უწყობთ ხელს, ოფშორიდან შემოვიდესო
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|