2020-04-02 09:44:09, 1080 ნახვა
საზოგადოება
გიორგი გახარია - ოკუპირებული ტერიტორიებიდან 37 მოქალაქეა გადმოყვანილი
არანაირი მნიშვნელობა არ აქვს, ენგურის რომელ მხარეს არის ინფიცირებული ადამიანი, ისინი ჩვენი მოქალაქეები არიან და ჩვენი საზრუნავები არიან, - ამის შესახებ საქართველოს პრემიერ-მინისტრმა გიორგი გახარიამ განაცხადა. მთავრობის მეთაურის თქმით, ამ მიზნის მისაღწევად მოხდა რუხის საუნივერსიტეტო კლინიკის სწრაფ ფუნქციონირებაში გაშვება. პრემიერ-მინისტრის განცხადებით, არ უნდა იყოს არანაირი სხვაობა სერვისების და მომსახურების იმ სტანდარტში, რომელსაც მიიღებს საქართველოს მოქალაქე, საქართველოს ნებისმიერ კუთხეში და მოქალაქეები ცხინვალის რეგიონიდან და ენგურის მეორე მხრიდან. „დღეის მონაცემებით, ოკუპირებული ტერიტორიებიდან 37 მოქალაქეა გადმოყვანილი. ჩვენ რაღაც ციფრებს უბრალოდ, ასე პირდაპირ არ ვაფიშირებთ. იმიტომ, რომ მოგეხსენებათ, იქ საკმაოდ დიდი სიფრთხილეა საჭირო. რა თქმა უნდა, ჩვენი პოზიციაა მკაფიო და პირდაპირი - არანაირი მნიშვნელობა არ აქვს, ენგურის რომელ მხარეს არის ინფიცირებული ადამიანი. ისინი ჩვენი მოქალაქეები არიან და ჩვენი საზრუნავები არიან. შესაბამისად, ამ მიზნის მისაღწევად მოხდა რუხის საუნივერსიტეტო კლინიკის სწრაფ ფუნქციონირებაში გაშვება, რომლის პროცესი დღესაც არ არის დასრულებული, მაგრამ მე დარწმუნებული ვარ, ჯანდაცვის სამინისტრო ამ ამოცანას უახლოეს დღეებში დაასრულებს. ეს არის ჩვენი ვალდებულება, ესენი ჩვენი მოქალაქეები არიან, ესენი საქართველოს მოქალაქეები არიან. არ უნდა იყოს არანაირი სხვაობა სერვისების და მომსახურების იმ სტანდარტში, რომელსაც მიიღებს საქართველოს მოქალაქე ნებისმიერ საქართველოს კუთხეში და მოქალაქეები როგორც ცხინვალის რეგიონიდან, ისე ენგურის მეორე მხრიდან. ეს არის ჩვენი პოზიცია“, - განაცხადა გიორგი გახარიამ. ავტორი: ექსპრესნიუსი, მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ - გელოდებით ყველას 29 აპრილს
კრამონი - ივანიშვილი ცდილობს საქართველოში „რუსკი მირი“ დაამყაროს
ფოტიგა - ჩვენ მოვითხოვთ სანქციებს ბიძინა ივანიშვილის წინააღმდეგ
კუბილიუსი - ამ კანონის მიღების შემთხვევაში, მოლაპარაკება გაწევრიანებაზე უნდა შეჩერდეს
|
ომი უკრაინაშიმედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
BBC - რუსეთმა კიევსა და ოდესას დრონებით შეუტია
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 060-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|