შეერთებულმა შტატებმა გამოაქვეყნა რუსეთის პრეზიდენტ ვლადიმერ პუტინსა და მაშინდელ აშშ-ის პრეზიდენტ ჯორჯ ბუშ უმცროსს შორის საუბრის ჩანაწერი, რომელშიც პუტინმა რუსეთის ნატოში გაწევრიანების შესაძლებლობა წამოჭრა.

ჩანაწერი გამოაქვეყნა არასამთავრობო ექსპერტულმა ორგანიზაცია „ეროვნული უსაფრთხოების არქივმა“ ამ საკითხთან დაკავშირებით სასამართლო პროცესის მოგების შემდეგ.

2001 წლის 16 ივნისით დათარიღებულ საუბრის ჩანაწერში პუტინი იხსენებს, რომ სსრკ-მ ერთხელ მოითხოვა ნატოში გაწევრიანება და კითხულობს, შესაძლებელია თუ არა ეს ახლა, როდესაც უარის თქმის მიზეზები აღარ არის აქტუალური.

„თქვენ მნიშვნელოვანი შენიშვნა გააკეთეთ, როდესაც თქვით, რომ რუსეთი მტერი არ არის. ასევე მნიშვნელოვანია ის, რაც თქვით 50 წლის შემდეგ მომავალზე (საუბრის დასაწყისში ბუშმა თქვა, რომ ჩინეთი შეიძლება საფრთხედ იქცეს ამ ვადაში - რედ.). რუსეთი ევროპული და მრავალეთნიკურია, ისევე როგორც შეერთებული შტატები. წარმომიდგენია, რომ ჩვენ მოკავშირეები ვართ. მხოლოდ უკიდურეს აუცილებლობას შეუძლია სხვებთან ალიანსისკენ გვიბიძგოს. მაგრამ ჩვენ ვგრძნობთ, რომ ნატოს გარეთ დავრჩით“, - თქვა ვლადიმერ პუტინმა.

მან გაიხსენა, რომ სსრკ-მ 1954 წელს მიმართა ნატოში გაწევრიანების შესახებ და უარი მიიღო.

„ნატომ უარყოფითად უპასუხა და ოთხი კონკრეტული მიზეზი დაასახელა: გადაუჭრელი ავსტრიის საკითხი, გადაუჭრელი გერმანიის საკითხი, აღმოსავლეთ ევროპაზე ტოტალიტარული კონტროლი და რუსეთის მიერ გაეროს ეგიდით განიარაღების პროცესში თანამშრომლობის აუცილებლობა. ახლა ყველა ეს პირობა დაკმაყოფილებულია. შესაძლოა, რუსეთი მოკავშირე იყოს“, - თქვა პუტინმა.

ამ კომენტარებზე პასუხი არ ყოფილა და ბუში სხვა თემაზე გადავიდა.

საუბარში ასევე პუტინმა განაცხადა, რომ „არასდროს მიიჩნევდა შეერთებულ შტატებს საფრთხედ, ცივი ომის დროსაც კი“.

2008 წელს კიდევ ერთ საუბარში პუტინმა დაარწმუნა ბუში, რომ უკრაინა „ხელოვნური სახელმწიფო“ იყო ფრაგმენტული საზოგადოებით და გააფრთხილა დასავლეთთან „ხანგრძლივი კონფრონტაციის“ შესახებ, თუ უკრაინა ნატოში მიიღებდნენ.

შეგახსენებთ, მოსკოვმა მიანიშნა, რომ რუსეთი მოითხოვდა მნიშვნელოვან ცვლილებებს უკრაინისა და შეერთებული შტატების მიერ შეთანხმებულ „სამშვიდობო გეგმის“ პროექტში.

ავტორი: ექსპრესნიუსი,

სოციალური ქსელები

თბილისში ყოველკვირეული საპროტესტო მარში გაიმართა - ვიდეო

სუს-მა ოთხ სხვადასხვა სისხლის სამართლის საქმეზე გამოვლენილ კორუფციულ დაკავშირებით ოთხი პირი დააკავა, ჯამში 11 ადამიანი კი პასუხისგებაში მიეცა

სუს: ახალაიას განცხადება ცალსახა ტყუილია, ამორალურია ამბავი ბავშვის ობლად დატოვებაზე

ახალაია: სუს-ში ცოლის დაჭერით მემუქრებოდნენ, თუ მეგობრების წინააღმდეგ ჩვენებას არ მივცემდი