"კოალიცია ცვლილებებისთვის" ერთ-ერთმა ლიდერმა, ზურაბ ჯაფარიძემ საბოტაჟის საქმეზე სასამართლო პროცესის დასრულების შემდეგ განაცხადა, რომ მას, ამ დროისთვის, 30 000-ლარიანი გირაოს გადახდასთან დაკავშირებით პოზიცია არ აქვს.

იგი დღეს სასამართლო პროცესის ჩანიშვნას მის მიერ დღეს გამართულ ბრიფინგს უკავშირებს, რომლის მთავარი საკითხიც გასული წლის ნოემბერში აქციების, სავარაუდოდ, ქიმიური ნივთირებით დაშლა იყო.

ჯაფარიძე ამბობს, რომ აღნიშნულ საკითხთან დაკავშირებით აქტიურობა "ოცნების" ხელისუფლებისთვის "მტკივეულია."

"გირაოზე არ მაქვს ჯერ პოზიცია, რაღაცები მაქვს მოსაფიქრებელი. გირაოს გარდა პასპორტსა და პირადობას მართმევენ - ვითომ ქვეყნიდან გავრბივარ. ვუკავშირებ დღევანდელ ბრიფინგს, რომელიც ეხებოდა ნოემბერ დეკემბერში შარშან ადამიანების წამებასა და ქიმიური ნივთიერების გამოყენებას. ამ ბრიფინგზე წარდგენილი მასალები გადავუგზავნეთ 9 საერთაშორისო ორგანიზაციას.

ერთადერთი ლოგიკა ეგაა, დილით 8-საათზე გამომიშვეს ციხიდან პარასკევს. თუ ამბავი ის იყო, რომ გარეთ ვარ და აღმკვეთი ღონისძიება არაა ჩემს მიმართ, მაშინ პარასკევს ან შაბათს გააკეთებდნენ. 3-ზე იყო ბრიფინგი და 2 საათში დაიწყეს რეკვა, რომ სასამართლო პროცესი იყო.

მაღალი ალბათობით, ეს არის თემა, რომელიც ძალიან აწუხებთ, იმიტომ, რომ ძალიან მაღალი ალბათობით დანაშაული აქვთ ჩადენილი და შესაბამისად მაგ თემაზე შეხება მათთვის არის სერიოზული პრობლემა...

გავიმეორებ, რომ ეგ არის მნიშვნელოვანი ინდიკატორი, რომ ეს თემა მათთვის ძალიან მტკივნეულია - როგორც კი მაგ თემას შეეხები, მაშინვე გეწყება პრობლემები. ეს ნიშნავს, რომ ამ თემაზე უნდა ჩავაჭიროთ მაქსიმალურად, იმიტომ, რომ დიდი ალბათობით, დანაშაული აქვთ ჩადენილი", - განაცხადა პოლიტიკოსმა.

ავტორი: ექსპრესნიუსი,

სოციალური ქსელები

გენერლებმა პუტინი დაარწმუნეს, რომ ომს მალე მოიგებს - Financial Times

ტრამპმა გამოაცხადა ახალი ამერიკული სამხედრო ხომალდების შექმნის შესახებ, რომლებიც აღჭურვილი იქნება ლაზერებით, ჰიპერბგერითი რაკეტებითა და ბირთვული იარაღით

უკრაინულმა დრონებმა წელს მესამედ დაარტყა რუსეთის ერთ-ერთ უმსხვილეს პოლიეთილენის მწარმოებელს.

ევროკავშირის ლიდერებმა ტრამპის გადაწყვეტილების შემდეგ დანიასა და გრენლანდიას სოლიდარობა გამოუცხადეს