ჰოლივუდის მსახიობი პიტერ გრინი 60 წლის ასაკში გარდაიცვალა. 90-იანი წლების ლეგენდარული ფილმების „ნიღაბი“ და „კრიმინალური საკითხავის“ ვარსკვლავი ნიუ-იორკში, საკუთარ ბინაში გარდაცვლილი იპოვეს, განუცხადა მისმა აგენტმა The New York Post-ს.

გრინი უგონო მდგომარეობაში იპოვეს 12 დეკემბრის შუადღისას და ბინაში გამოძახებულმა პარამედიკოსებმა მისი გადარჩენა ვერ შეძლეს. მისი გარდაცვალების ზუსტი მიზეზი ჯერ კიდევ უცნობია, თუმცა მის სხეულზე ძალადობის კვალი არ აღმოჩნდა.

მსახიობს მიკი რურკთან ერთად ახალი ფილმის „მასკოტების“ გადაღებების დაწყება 2026 წლის დასაწყისში ჰქონდა დაგეგმილი.

პიტერ გრინი ყველაზე მეტად ცნობილია ჯიმ ქერის კომედიაში „ნიღაბი“ მაფიოზ დორიან ტირელის როლით, ასევე კვენტინ ტარანტინოს „Pulp Fiction“-ში ზედის როლით. გრინის უახლესი ნამუშევარი იყო ჯონ ვიკის თემატიკის სერიალი „კონტინენტალი“.

ავტორი: ექსპრესნიუსი,

სოციალური ქსელები

7-თვიანი პატიმრობის შემდეგ, ზურაბ გირჩი ჯაფარიძე საპატიმროს დღეს დილით დატოვებს

ომის დაწყების შემდეგ პირველად, ეკონომიკური კრიზისი პუტინისთვის პირდაპირი ხაზის დროს დასმულ ერთ-ერთ მთავარ კითხვებს შორისაა

რუსეთმა ჩინეთისთვის ნავთობის ფასდაკლება ბარელზე რეკორდულ 35 დოლარამდე დაიყვანა

ოდესის ოლქზე რუსეთის მიერ განხორციელებული დარტყმის გამო მოლდოვასთან საზღვარზე ორი საკონტროლო-გამშვები პუნქტი დაიხურა.