UFC-ის ორგზის ჩემპიონი ილია თოფურია მისი პი­რა­დი ცხოვ­რე­ბის შე­სა­ხებ სა­ჯა­რო გან­ცხა­დე­ბას პირ­ვე­ლად ავ­რცე­ლებს.

თო­ფუ­რი­ას პი­რად ცხოვ­რე­ბა­ში დრა­მა­ტუ­ლი ცვლი­ლე­ბე­ბია - ეს­პა­ნურ და სა­ერ­თა­შო­რი­სო მე­დი­ა­ში გავ­რცელ­და ინ­ფორ­მა­ცია, რომ ილი­ას მე­უღ­ლე, ჯორ­ჯი­ნა უზტუ­გა­ი­ტი ბა­დე­ლი გან­ქორ­წი­ნე­ბა­ზე სარ­ჩე­ლით მი­მარ­თავს სა­სა­მარ­თლოს და, რაც ყვე­ლა­ზე მნიშ­ვნე­ლო­ვა­ნია, თო­ფუ­რი­ას ქო­ნე­ბის 50%-ის და­უფ­ლე­ბას აპი­რებს.

ბოლო რამდენიმე კვირის განმავლობაში მივიღე რთული გადაწყვეტილება, დროებით  გადავდე ჩემი ტიტულის დაცვა. ეს გადაწყვეტილება მარტივად არ მიმიღია. თუმცა, როდესაც ჩნდება გარემოებები, რომლებიც საფრთხეს უქმნის შენს პირად ღირსებას, ოჯახს და რეპუტაციას, დგება მომენტი, როცა მათთან პირდაპირ გამკლავება აუცილებელია.

ბოლო თვეებში ვიღებდი მძიმე და მიუღებელ ზეწოლას, მათ შორის მუქარას, რომ ფინანსური მოთხოვნების შეუსრულებლობის შემთხვევაში გავრცელდებოდა ოჯახური ძალადობის შესახებ ცრუ ბრალდებები. ეს ბრალდებები სრულიად უსაფუძვლოა.

ყველა შესაბამისი მტკიცებულება საგულდაგულოდ არის შენახული და დოკუმენტირებული, მათ შორის აუდიოჩანაწერები, წერილობითი კომუნიკაცია, მოწმეების ჩვენებები და ვიდეომასალა. ეს მტკიცებულებები გადაეცა შესაბამის სამართლებრივ ორგანოებს, რათა დაიწყოს სამართლებრივი პროცესი გამოძალვის მცდელობის, მტკიცებულებების გაყალბების, ფინანსური და პირადი ქონების მითვისებისა და მრავალჯერადი მუქარის ფაქტებზე.

ჩემი თავდაპირველი გადაწყვეტილება დუმილის შენარჩუნების შესახებ მიღებული იყო მხოლოდ ჩემი შვილების დასაცავად, რომლებიც ჩემი ცხოვრების ყველაზე მნიშვნელოვანი ნაწილია. თუმცა გავაცნობიერე, რომ ასეთ პირობებში დუმილი სიმართლეს არ იცავს — ის ცრუ ნარატივებს აძლევს გავრცელების საშუალებას.

ბევრ ადამიანს გამოუცდია მსგავსი სიტუაციები და არაერთხელ სამართლებრივმა სისტემამ საბოლოოდ ნათელი მოჰფინა ფაქტებს. დღეს წინ ვდგავარ არა მხოლოდ ჩემი და ჩემი ოჯახის გამო, არამედ იმის საჩვენებლადაც, რომ იძულებით არავინ უნდა დაიმორჩილონ დაშინების ან მანიპულაციის გზით. ვინც მიცნობს, შეუძლია დაადასტუროს, რომ არასდროს მიმიმართავს ძალადობისთვის და რომ ჩემი ცხოვრება და კარიერა ყოველთვის დისციპლინით, პატივისცემითა და ღირსებით იყო წარმართული.

სრული ნდობა მაქვს სამართლებრივი პროცესის მიმართ და საშუალებას მივცემ სამართლებრივ სისტემას, მტკიცებულებებზე დაყრდნობით დაადგინოს ფაქტები.

ჩემი შვილებისა და მიმდინარე სამართლებრივი პროცესების პატივისცემის გამო, აღარ გავაკეთებ დამატებით საჯარო განცხადებებს. თავაზიანად გთხოვთ, თავი შეიკავოთ სპეკულაციებისგან და ამ მგრძნობიარე პერიოდში პატივი სცეთ ჩემი ოჯახის პირად სივრცეს.

სიმართლეს ხმამაღლა ყვირილი არ სჭირდება — მას ფაქტები სჭირდება

ესპანეთის სახელით მოასპარეზე ილია თოფურია ქართველი შერეული საბრძოლო ხელოვნების (MMA) მებრძოლია. 2024 წლის 18 თებერვალს, ალექსანდრ ვოლკანოვსკის დამარცხების შემდეგ, ილია თოფურია გახდა UFC-ის ქვემსუბუქი წონითი დივიზიონის ჩემპიონი, ხოლო 2025 წლის 28 ივნისს, ჩარლზ ოლივეირას დამარცხების შემდეგ, UFC-ის მსუბუქი წონითი დივიზიონის ჩემპიონის წოდებაც მოიპოვა. ილია თოფურია პირველი მებრძოლია ისტორიაში, რომელმაც UFC-ის ორი წონითი დივიზიონის ჩემპიონის ქამარი ისე მოიპოვა, რომ ერთხელაც არ დამარცხებულა.

ავტორი: ექსპრესნიუსი,

სოციალური ქსელები

ზელენსკიმ ალიევს უკრაინის მხარდაჭერისთვის მადლობა გადაუხადა

პუტინი ზელენსკიზე - ის ხელოვანია, ნიჭიერი. ამას ყოველგვარი ირონიის გარეშე ვამბობ, ჩვენ მისი ფილმები გვინახავს

პუტინი ამტკიცებს, რომ უკრაინას ყველა მიმართულებით უტევენ, მოწინააღმდეგე კი "უკან იხევს"

თბილისის ერთ-ერთ სასტუმროში ტურისტ ქალს ბრმა ტყვია მოხვდა