ქართული ოცნების პარლამენტმა მესამე მოსმენით მიიღო საარჩევნო კოდექსში ცვლილებები, რომლის თანახმადაც, უცხოეთში მცხოვრები საქართველოს მოქალაქეები არჩევნებზე ხმას საზღვარგარეთ ვეღარ მისცემენ.

ცვლილებებს ქართული ოცნების 79-მა დეპუტატმა დაუჭირა მხარი, წინააღმდეგ წავიდა - 11 დეპუტატი, რომლებიც, სავარაუდოდ, გახარია - საქართველოსთვის პარტიას წარმოადგენენ. 

ქართული ოცნების პარლამენტის თავმჯდომარემ შალვა პაპუაშვილმა 17 ნოემბერს განაცხადა, რომ ახალ საარჩევნო კოდექსზე მუშაობას იწყებენ - კერძოდ, მან თქვა, რომ დაიწყებოდა კოდექსის "ფუნდამენტური განახლება".

ამ განახლების ფარგლებში, ქართულმა ოცნებამ უცხოეთში მცხოვრებ საქართველოს მოქალაქეებს არჩევნებზე ხმის საზღვარგარეთ მიცემის უფლება აუკრალა.

"როგორც აქამდე, საქართველოს ყველა მოქალაქეს ექნება არჩევნებში ხმის მიცემის სრული უფლება და შესაძლებლობა. ერთადერთი პირობა არის ოთხ წელიწადში ერთხელ, სამშობლოში ჩამოსვლა და ხმის მიცემა საქართველოში", - თქვა შალვა პაპუაშვილმა. 

ავტორი: ექსპრესნიუსი,

სოციალური ქსელები

აშშ-ის იუსტიციის დეპარტამენტმა ეპშტეინის ხმაურიანი საქმიდან ათასობით გვერდი გამოაქვეყნა

უკრინამ კასპიის ზღვაში სამხედრო საპატრულო გემი დააზიანეს

გერმანიის საგარეო მინისტრი: ფლორიდაში მოლაპარაკებებში ევროპის ინტერესები უნდა იყოს გათვალისწინებული

უკრაინამ ხმელთაშუა ზღვაში პირველად დაარტყა რუსულ ტანკერს