პაპუაშვილი კობახიძისა და პუტინის ერთ სივრცეში გამოჩენაზე ამბობს, რომ პრობლემა არაა

2025-12-12 12:34:32, 3932 ნახვა

პოლიტიკა

ქართული ოცნების პარლამენტის თავმჯდომარე შალვა პაპუაშვილი ირაკლი კობახიძისა და ვლადიმერ პუტინის ერთ სივრცეში გამოჩენაში პრობლემას ვერ ხედავს.

მისი თქმით, ქართული ოცნება"საქართველოს ეროვნული ინტერესებიდან გამომდინარე" მოქმედებს.

"არანაირი პრობლემა არ არის [კობახიძე და პუტინი ერთ სივრცეში].

დაგეგმილი არაფერი არ არის... თქვენ რა ავერსიები გაქვთ, ვერ ვხვდები... რა შიშები გაქვთ, რა რისკები გაქვთ. მე მგონი ძაან ცხადია, ხო? ჩვენ ვმოქმედებთ საქართველოს ეროვნული ინტერესებიდან გამომდინარე.

საქართველოს პრემიერმინისტრი არ საუბრობს რადიკალური ოპოზიციის და ომის მოსურნე ევროპელების დაწერილი სიტყვით. პრემიერმინისტრი ისაუბრებს იმაზე, რასაც ჩათვლის საჭიროდ და რაც ჩვენს ეროვნულ ინტერესშია", - თქვა პაპუაშვილმა.

ირაკლი კობახიძე თურქმენეთში იმყოფება, სადაც "ნეიტრალიტეტის დღის" ღონისძიებაზე ვლადიმერ პუტინის ფონზე გამოჩნდა.

ავტორი: ექსპრესნიუსი,