კოალიციამ ცვლილებისთვის 9 საერთაშორისო საგამოძიებო ორგანიზაციას მიმართა, საქართველოში აქციებს დროს სავარაუდოდ ქიმიური იარაღის გამოყენეებისა და სისტემური წამების ფაქტების გამოძიების შესახებ. 

კოალიციის განცხადებით, საერთაშორისო ინსტანციებიდან 5 გაეროს სპეციალური მომხსენებელია. 

• გაეროს სპეციალური მომხსენებელი წამებისა და სხვა სასტიკი, არაადამიანური ან ღირსების შემლახავი მოპყრობისა და დასჯის შესახებ;
• გაეროს სპეციალური მომხსენებელი მშვიდობიანი შეკრებისა და გაერთიანების თავისუფლების შესახებ;
• გაეროს სპეციალური მომხსენებელი სასამართლოს დამოუკიდებლობისა და მოსამართლეთა და ადვოკატთა მდგომარეობის შესახებ;
•  გაეროს სპეციალური მომხსენებელი სასამართლოს გარეშე თვითნებური და უკანონო დასჯის შესახებ;
• გაეროს სამუშაო ჯგუფი უკანონო დაკავებების შესახებ.

კოალიციამ ცვლილებისთვის ასევე მიმართვაა გააგზავნა შემდეგ ინსტანციებში:

• ევროკავშირის ადამიანის უფლებების სპეციალური წარმომადგენელი;
• ევროსაბჭოს ადამიანის უფლებათა კომისარი;
• ევროსაბჭოს საპარლამენტო ასამბლეის მომხსენებლები საქართველოს შესახებ;
• ეუთო-ს სპეციალური საგამოძიებო მექანიზმი.

"კოალიციამ ცვლილსებისთვის მიმართა 9 საერთაშორისო ინსტანციას, რათა საქართველოში ადამიანების სისტემურ წამებასთან და ქიმიური იარაღის შესაძლო გამოყენებასთან დაკავშირებით დაიწყოს საგამოძიებო პროცედურები. ყველა ვხედავთ, რომ ქვეყნის შინგით გამოძიება არ არსებობს, სუს-მა თქვა, რომ 4 დღეში დაასრულა გამოძიება, დედამიწაზე არ არსებობს ყველაზე ძლიერი საგამოძიებო სისტემაც კი, რომელიც 4 დღეში გამოიძიებდა ქიმიური იარაღის შესაძლო გამოყენების ფაქტს, ამიტომ ერთადერთი გამოსავალი ამ შემთხვევაში არის საერთაშორისო გამოძიება. კოალიცია ცვლილებისთვის მოამზადა". - განაცხადა გიგა ლემონჯავამ. 

ზურა ჯაფარიძის განცხადებით, კოალიციის მიერ მოძიებული ინფორმაციები სტრუქტურებში უკვე გადაიგზავნა. 

"უკანასკნელი კვირების განმავლობაში კოალიციამ იმუშავა და შეაგროვა ყველა შესაბამისი დოკუმენტაცია და ინფორმაცია, რომელიც საჭიროა იმისათვის, რომ გადაიგზავნოს იმ საერთაშორისო სტრუქტურებში, სადაც შესაძლებელია, რომ შეიქმნას ამ საკითხთან დაკავშირებით საერთაშორისო საგამოძიებო მექანიზმი. ამ წუთისთვის, ასეთი ჩვენს მიერ მოძიებულია 9 საერთაშორისო სტრუქტურა, დოკუმენტაცია ელექტრონული სახით უკვე გადაგზავნილია ამ სტრუქტურებში და ფიზიკური სახითაც გაიგზავნება დღეს და ხვალ". - განაცხადა ზურა ჯაფარიძემ.

ჯაფარიძის თქმით, ყველა პარტოიასთან და სამოქალაქო საზოგადოებასთან კოორდინაციაში არიან. დღეს, 22 დეკემბერს არასამთავრობო ორგანიზაციებმა განაცხადეს, რომ  გაეროს ქიმიური იარაღის აკრძალვის ორგანიზაციის დირექტორს მიმართეს.

2025 წლის პირველ დეკემბერს BBC-მ საქართველოში აქციების დარბევასთან დაკავშირებით სტატია და დოკუმენტური ფილმი გამოაქვეყნა. გამოცემა მოპოვებულ მტკიცებულებებზე დაყრდნობით წერს, რომ გასულ წელს ქართული ოცნების რეჟიმმა ანტისამთავრობო და პროევროპული საპროტესტო აქციების დასარბევად, შესაძლოა, პირველი მსოფლიო ომის დროინდელი ქიმიური იარაღი გამოიყენა.

ავტორი: ექსპრესნიუსი,

სოციალური ქსელები

რომის პაპი განაწყენებულია რუსეთის მიერ საშობაო ზავზე დათანხმებაზე უარის თქმით

მოსკოვის სამხრეთით საგზაო პოლიციის მანქანა ააფეთქეს. ორი პოლიციელი დაიღუპა

2023 წელს კორუფციაში ბრალდებული ირაკლი ღარიბაშვილიც ცდილობდა ფასების ხელოვნურად დარეგულირებას, თუმცა უშედეგოდ

კახეთში ბრალდებულმა მძევლად აიყვანა საკუთარი ბებია და მისი მოკვლით იმუქრებოდა