საფინანსო-საბიუჯეტო კომიტეტმა პირველი მოსმენით განიხილა „საქართველოს ეროვნული ბანკის შესახებ" ორგანულ კანონში ცვლილება, რომელის მიხედვით, შემოდის ვირტუალური აქტივების მომსახურების ანუ კრიპტოვალუტასთან დაკავშირებული ოპერაციების რეგულირება.

როგორც მომხსენებელმა, საფინანსო-საბიუჯეტო კომიტეტის თავმჯდომარემ პაატა კვიჟინაძემ განაცხადა, კანონპროექტით შემოდის ვირტუალური აქტივების მომსახურების ანუ კრიპტოვალუტასთან დაკავშირებული ოპერაციების რეგულირება.

„პროექტით, ეროვნული ბანკი უფლებამოსილი იქნება ზედამხედველობის ფარგლებში მოითხოვოს და მიიღოს ნებისმიერი ინფორმაცია კრიპტოვალუტის მომსახურების მიმწოდებელი ბიზნესისაგან ადგილზე ან დისტანციურად, დაადგინოს მათთვის საზედამხედველო წესები და მოთხოვნები, მათ შორის, მინიმალური საზედამხედველო კაპიტალის ოდენობა და მისი გაანგარიშება, დაადგინოს კაპიტალის აქტივებისა და რისკების მართვის სტანდარტები, განსაზღვროს რისკების ჩარჩო და შემოიღოს სხვა დამატებითი მოთხოვნები. ასევე, ეროვნულ ბანკს ენიჭება უფლებამოსილება მათთვის დაადგინოს მომხმარებელთა უფლებების დაცვასთან დაკავშირებული წესები. ეროვნულმა ბანკმა 2026 წლის პირველ სექტემბრამდე უნდა უზრუნველყოს ზედამხედველობასთან დაკავშირებულ საკითხებზე შესაბამისი კანონქვემდებარე ნორმატიული აქტების გამოცემა", - აღნიშნა კომიტეტის თავმჯდომარემ.

მისივე თქმით, აღნიშნული ცვლილებით, ერთი მხრივ, მოწესრიგდება აღნიშნული სფერო, ხოლო მეორე მხრივ, დიდ მოთამაშეებს საშუალება ექნებათ შემოვიდნენ ქართულ ბაზარზე, ვინაიდან უკვე იარსებებს საკანონმდებლო ბაზა, სადაც ყველა საკითხი გაწერილი იქნება. კანონპროექტით, ეროვნულ ბანკს ენიჭება უფლებამოსილება ნორმატიული აქტით განსაზღვროს მომსახურების სახეები, რომელიც ასევე ჩაითვლება ვირტუალური აქტივის მომსახურებად.

თბილისის საქალაქო სასამართლომ ბიძინა ივანიშვილის სარჩელის საფუძველზე გიორგი ბაჩიაშვილს ბრალმდებელი მხარისთვის 9000 ბიტკოინის გადახდა დააკისრა. ამჟამინდელი კურსით, აღნიშნული რაოდენობის ბიტკოინების საერთო ღირებულება 868 მილიონ აშშ დოლარს აჭარბებს.

ამავე საქმეზე, მიმდინარე წლის 10 მარტს, თბილისის საქალაქო სასამართლომ გიორგი ბაჩიაშვილს 11 წლით თავისუფლების აღკვეთაც მიუსაჯა. სასამართლომ დაადგინა, რომ ბაჩიაშვილმა 2017 წელს ბიძინა ივანიშვილის კუთვნილი კრიპტოვალუტა – დაახლოებით 8 253 ბიტკოინი – მიითვისა, რომელთა ღირებულება იმ პერიოდში 39 მილიონ დოლარს აჭარბებდა. პროკურატურის ცნობით, ინვესტორმა მხოლოდ 536 900 დოლარი მიიღო, რაც მისი წილის მცირე ნაწილია.

ავტორი: ექსპრესნიუსი,

სოციალური ქსელები

გაატარეთ ახალი წელი ვაზისუბნის მამულში და შეიქმენით საუკეთესო საახალწლო გამოცდილება SOLO და Visa-სთან ერთად

ზელენსკი: აშშ-მ უკრაინასთან და რუსეთთან ერთობლივი მოლაპარაკებების ფორმატი შემოგვთავაზა

მამაკაცი 14 წლის არასრულწლოვანთან სექსუალური შინაარსის ვიდეოებს შანტაჟის გზით იღებდა, მოზარდმა თვითმკვლელობა სცადა

გიგა ავალიანის გარდაცვალების საქმესთან დაკავშირებით დანაშაულის შეუტყობინებლობის ბრალდებით კიდევ ორი არასრულწლოვანია დაკავებული