პოლიტიკური უმწიფრობა არის ბრიუსელში, EU-მ ჩათვალა, რომ უნდა იკაცოს - თქვა ივანიშვილის წარმომადგენელმა, შალვა პაპუაშვილმა.

ზოგადად, ევროკავშირის საგარეო პოლიტიკის ესტონიზაცია გულისხმობს იმასაც, რომ ინსტრუმენტად არის გამოყენებული ევროინტეგრაციის და უვიზო მიმოსვლის პროცესი. ანუ არის არა პროცედურების საკითხი, ხალხების დაახლოების საკითხი, არამედ გამოყენებულია ძალიან ცივსისხლიანად, როგორც პოლიტიკური იარაღი სხვა ქვეყნების მიმართ. ასე რომ რაიმეს გამორიცხვა რთულია. მითუმეტეს, რომ გვესმის საუბრები, რომ სურვილია, გარკვეული შეზღუდვები იყოს. მათ შორის, გამოყონ ცალკეული ჯგუფი ადამიანების, რომლებსაც მიგვაწებებენ იარლიყს და ასე სეგრეგაცია ჩაატარონ, ასე ვთქვათ. საუბარია, რომ თანამდებობის პირებს თუ მოხელეებს ჰქონდეს ვიზის აღების ვალდებულება და სხვას არ ჰქონდეს. ამას სამართლებრივად ჰქვია სეგრეგაცია, როცა სახელმწიფოში ჯგუფებად ჰყოფ ხალხს, ავტობუსში უკან დასვამ, რომელიღაც რესტორანში არ შეუშვებ, შენ ქვეყანაში ერთ ჯგუფს შეუშვებ მეორეს არა - ამას ჰქვია სეგრეგაცია. ესეც გამოვლილი აქვს ევროპას 100 წლის წინ, ასე რომ თუ უნდა ამ გზას დაადგეს, რაღაც ლოგიკური ამაში შეიძლება იყოს, ვხედვთ რა ტენდენციებს, რომ ყოველგვარი სასამართლოს გარეშე საერთაშორისო დამნაშავეების იარლიყებს აწებებენ ადამიანებს, სასანქციო პოლიტიკას ვგულისხმობ. ეს არის სწორედ, როცა ვამბობთ, რომ ბრიუსელს ევროკავშირი მიჰყვავს პოლიტიკური უფსკრულისკენ.

[...] პოლიტიკური უმწიფრობა არის ბრიუსელში. [...] ევროკავშირმა, როგორც მეურვისგან მიტოვებულმა არასრულწლოვანმა, რატომღაც ჩათვალა, რომ უნდა იკაცოს და თავად გახდეს მსოფლიო პოლიციელი. მაგრამ არ ჰყოფნის არც კვალიფიკაცია ამის, საბედნიეროდ, და დიდ ზიანს ვერ აყენებს ქართველ ხალხს, რომელმაც ყველაფერი უკვე ძალიან კარგად გაიგო.

ავტორი: ექსპრესნიუსი,

სოციალური ქსელები

საქართველოს ბანკის ორგანიზებით, ბიზნესისთვის მოლაპარაკების მართვის ვორკშოპი გაიმართა

თიბისი კონცეპტი და Visa სათხილამურო სპორტის მოყვარულებს M.T.A მულტისკი აბონემენტზე განსაკუთრებულ შეთავაზებას სთავაზობენ

როდის შეიძლება საქართველოს მოსახლეობისთვის უვიზო რეჟიმის შეჩერება?

გარკვეულ ეტაპზე საქართველოს მთელ მოსახლეობას ემუქრება ევროკავშირის მიერ უვიზო მიმოსვლის შეჩერება