პუტინის სპეციალურმა წარმომადგენელმა, კირილ დმიტრიევმა, განაცხადა, რომ მისი აზრით, აშშ, უკრაინა და რუსეთი „დიპლომატიურ გადაწყვეტასთან“ ახლოს არიან, რომელიც ომს დაასრულებს, იუწყება „როიტერი“.

დმიტრიევის თქმით, უკრაინის პრეზიდენტმა ვოლოდიმირ ზელენსკიმ „სერიოზული ნაბიჯი გადადგა იმის აღიარებით, რომ ჩვენ ფრონტის ხაზზე ვსაუბრობთ“.

„თქვენ იცით, მისი წინა პოზიცია იყო, რომ რუსეთი მთლიანად უნდა გასულიყო, ამიტომ, სინამდვილეში, ვფიქრობ, რომ ჩვენ საკმაოდ ახლოს ვართ დიპლომატიურ გადაწყვეტასთან, რომლის შემუშავებაც შესაძლებელია“, - ციტირებს სააგენტო დმიტრიევის სიტყვებს.

RDIF-ის ხელმძღვანელი ასევე მიიჩნევს, რომ აშშ-ის სანქციები რუსული ნავთობკომპანიების წინააღმდეგ, სავარაუდოდ, „მხოლოდ ამერიკულ ბენზინგასამართ სადგურებზე ბენზინის ფასების გაძვირებას გამოიწვევს“.

აშშ-ში ვიზიტის დროს დმიტრიევმა ასევე აღნიშნა, რომ რუსეთმა და აშშ-მ შეიძლება კიდევ ერთი პატიმრის გაცვლა განახორციელონ.

ავტორი: ექსპრესნიუსი,

სოციალური ქსელები

მიიღეთ მეორადი ავტომობილის შეძენასთან დაკავშირებული სერვისები BOG-ის ფილიალებში

თიბისისა და EBRD-ს ორგანიზებით, სანქციებთან შესაბამისობის მასტერკლასი ჩატარდა

პაპუაშვილი: ტრამპს სარჩელი შეაქვს BBC-ის წინააღმდეგ, ჩვენც იგივე გზას მივმართავთ

ტობიას კრემერი: რეჟიმს, რომელიც ქიმიურ იარაღს იყენებს, არ შეიძლება ჰქონდეს ევროპელობის ამბიცია