ივანიშვილის პარლამენტმა დაჩქარებული წესით მიიღო საკანონმდებლო ცვლილებები, რომლითაც  სისხლის სამართლის საპროცესო კოდექსს ემატება ახალი ტერმინი "პროცესუუნარო პირი" - ბრალდებული, რომელსაც ფსიქიკური აშლილობის გამო უნარი არ შესწევს შეასრულოს ისეთი საპროცესო მოქმედება, რომელიც მისი უშუალო მონაწილეობით უნდა განხორციელდეს.

კანონპროექტით, იმ შემთხვევაში, თუ შუამდგომლობას ბრალდების მხარე დააყენებს, თუ ბრალდებულს აღკვეთის ღონისძიების სახით პატიმრობა შეეფარდება, მისი სამედიცინო დაწესებულებაში ყოფნის პერიოდში პატიმრობის ვადა არ შეჩერდება - ხოლო თუ ინიციატორი დაცვის მხარეა, ამ შემთხვევაში, შეჩერდება. 

"თუ დადგინდა, რომ ბრალდებული დანაშაულის ჩადენის შემდეგ ფსიქიკურად დაავადდა, რის გამოც ის პროცესუუნარო გახდა, მხარის შუამდგომლობის საფუძველზე, საქმის არსებითი განხილვა არაუმეტეს 3 თვის ვადით შეჩერდება ან არ დაიწყება. საქმის არსებითი განხილვა დაიწყება/განახლდება იმ შემთხვევაში, თუ შემოწმების შედეგების (დასკვნის) საფუძველზე დადგინდება, რომ ბრალდებული განჩინებაში მითითებულ ვადაში პროცესუნარიანი გახდა, ანდა გასულია განჩინებაში მითითებული ვადა.

თუ დადგინდა, რომ ბრალდებული დანაშაულის ჩადენისას შერაცხადი იყო, მაგრამ მისი ჩადენის შემდეგ შეურაცხადობის გამო იგი პროცესუუნარო გახდა, გამამტყუნებელი განაჩენის გამოტანის შემთხვევაში სასამართლო განსაზღვრავს მსჯავრდებულის მიერ შესაბამის სამედიცინო (სამკურნალო) დაწესებულებაში მის გამოჯანმრთელებამდე მოთავსებას, რის შემდეგაც მსჯავრდებულის მიერ სასჯელის მოხდა გაგრძელდება საერთო წესით". - წერია კანონპროექტში.

შესაბამისი ცვლილებები სისხლის სამართლის საპროცესო კოდექსსა და ფსიქიკური ჯანმრთელობის შესახებ კანონში შევიდა.

ავტორი: ექსპრესნიუსი,

სოციალური ქსელები

ქაშვეთის მიმდებარედ პოლიციამ აქციის მონაწილე დააკავა - ვიდეო

ფეხით მიმავალ დედა-შვილს მანქანა დაეჯახა, ქალი გარდაიცვალა

დიდმა ბრიტანეთმა უკრაინისთვის 600 მილიონი ფუნტის ოდენობის სამხედრო დახმარების პაკეტის დეტალები გაამხილა

Bloomberg: ერდოღანმა პუტინს აშშ-სთან ურთიერთობების გასაუმჯობესებლად S-400 რაკეტების უკან წაღება სთხოვა