თბილისის მერიამ ტრამვაის მშენებლობაზე გამოცხადებული ტენდერის დასრულების თარიღი გაახანგრძლივა.

როგორც სატენდერო დოკუმენტაციაში ვკითხულობთ, ტენდერში წინადადებების წარდგენის თარიღმა 2 თვით, 2026 წლის 16 თებერვლამდე გადაიწია.

ელექტრონული შესყიდვა ოქტომბერში გამოცხადდა და პირველადი ვერსიით, წინადადებების მიღება 17 დეკემბერს უნდა დაწყებულიყო და 22 დეკემბერს დასრულებულიყო. შესყიდვის სავარაუდო ღირებულება კი 416 592 000 ლარს შეადგენს.

როგორც სატენდერო დოკუმენტაციაში ვკითხულობთ, ტრამვაის ხაზი იწყება დიდი დიღმის მე-3 და მე-4 მიკრო რაიონების შერწყმის მიმდებარე ტერიტორიიდან, დავით აღმაშენებლის ხეივნის და დიღმის მასივის გავლით უკავშირდება მეტროსადგურ დიდუბის მიმდებარე ტერიტორიას.

სატენდერო პირობების მიხედვით, ტრამვაის ხაზის საორიენტაციო სიგრძე - 7,5 კმ.; საორიენტაციო გაჩერების რაოდენობა - 11, ტრამვაის შემადგენლობა - 10; ხოლო ტრამვაის ერთი ვაგონის ტევადობა არანაკლებ 300 მგზავრი იქნება.

ამასთან, შესყიდვის თანახმად, ტრამვაის ხაზის დანიშნულება იქნება დიდი დიღმის მეტროპოლიტენის ხაზთან მიბმა და ამით ქალაქის ცენტრთან სწრაფი დაკავშირება.

შეგახსენებთ, დღეს თბილისის მერმა კახა კალაძემ განაცხადა, რომ იანვრის ბოლოს უკვე გვეყოლება ტენდერში გამარჯვებული კომპანია, რომელიც პროექტის განხორციელებას დაიწყებს.

ავტორი: ექსპრესნიუსი,

სოციალური ქსელები

კალაძე: მივესალმებით კორუფციის წინააღმდეგ ბრძოლას, სასიამოვნოა, რომ შებამისი უწყებები დგამენ კონკრეტულ ნაბიჯებს

რუსული თავდასხმა კიევზე: დრონის ნამსხვრევები საცხოვრებელ კორპუსთან ახლოს ჩამოვარდა, 5 ადამიანი დაშავდა

კახა კალაძე: მიწისზედა მეტროს პროექტი დროებით შევაჩერეთ

პაპუაშვილი - თენგიზ ჩანტლაძე რომ იმუქრება, ბევრჯერ დაგაპატიმრებთო, ბრიუსელიც ასეა, თითქოს არ გვყოფნის ერთხელ ნათქვამი