სამმხრივი თავდაცვის მინისტერიალის ფარგლებში, საქართველოს თავდაცვის მინისტრმა მინდია ჯანელიძემ ორმხრივი შეხვედრები გამართა.

თავდაცვის სამინისტროს ინფორმაციით, მინდია ჯანელიძემ აზერბაიჯანის რესპუბლიკის თავდაცვის მინისტრ, გენერალ-პოლკოვნიკ ზაკირ ჰასანოვთან შეხვედრისას ყურადღება ქვეყნებს შორის არსებულ პარტნიორობაზე გაამახვილა. მან აზერბაიჯანელ კოლეგას საქართველოს სუვერენიტეტისა და ტერიტორიული მთლიანობის მტკიცე მხარდაჭერისათვის მადლობა გადაუხადა.

ამასთან, მინდია ჯანელიძემ და გენერალ-პოლკოვნიკმა ზაკირ ჰასანოვმა ორ ქვეყანას შორის არსებულ ორმხრივ სამხედრო თანამშრომლობის პერსპექტივებზე ისაუბრეს და თანამშრომლობის კიდევ უფრო გაღრმავების იმედი გამოთქვეს. მხარეებმა 2015 წლის ორმხრივი თანამშრომლობის გეგმით გათვალისწინებული ღონისძიებების შესრულების სტატუსი განიხილეს.

საუბრის ბოლოს, საქართველოს თავდაცვის მინისტრმა აზერბაიჯანელ კოლეგას თავდაცვის უწყებაში განხორციელებული რეფორმები გააცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო