საგარეო საქმეთა მინისტრ თამარ ბერუჩაშვილის განცხადებით, ევროკავშირთან უვიზო რეჟიმის შესაძლო ამოქმედებასთან დაკავშირებით, საბოლოო გადაწყვეტილებას ევროკავშირის წევრი ქვეყნების საბჭო მიიღებს.
როგორც ბერუჩაშვილმა ჟურნალისტებს განუცხადა, საგარეო უწყება მუშაობს იმისათვის, რომ ევროკავშირის შემფასებელთა მისიამ რიგაში დადებითი რეკომენდაციები გააგზავნოს.
„ველოდებით ექსპერტების დასკვნას. ვაკეთებთ ყველაფერს, რომ გვქონდეს შესაბამისი პოლიტიკური მხარდაჭერა. რაც შეეხება პრაქტიკულ ნაბიჯებს, როდის მოახერხებენ საქართველოს მოქალაქეები, რომლებსაც აქვთ ბიომეტრიული პასპორტები თავისუფალ გადაადგილებას შენგენის ზონის ქვეყნებში. მინდა გავაკეთო განმარტება, რომ ეს არ მოხდება მყისიერად რიგის სამიტის შემდეგ. ეს საჭიროებს დამატებითი პოლიტიკური მხარდაჭერის მოპოვებას, პროცედურების გავლას და შესაბამის დროს, ამ ეტაპების გავლის შემდეგ გადაწყვეტილებას მიიღებს ევროკავშირის წევრი ქვეყნების საბჭო“,-განაცხადა ბერუჩაშვილმა და აქვე დასძინა, რომ ვიზა-ლიბერალიზაციის კუთხით, საქართველოში  პროგრესი დაფიქსირდა, რომელიც სავიზო რეგულაციებში აუცილებლად უნდა აისახოს.
შეგახსენებთ, „აღმოსავლეთ პარტნიორობის“ სამიტი, რიგაში, მაისის თვეში გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო