საქართველოს შინაგან საქმეთა სამინისტროს ესპანეთის სამეფოს შინაგან საქმეთა სამინისტროს მეკავშირე ოფიცერი ედუარდო ლუის ფერნანდეს მარტინი ეწვია.

შეხვედრა გაცნობითი ხასიათის იყო.

შსს-ს ინფორმაციით, მეკავშირე ოფიცერი საერთაშორისო ურთიერთობების დეპარტამენტის, საპატრულო პოლიციის დეპარტამენტის, რეფორმებისა და განვითარების სააგენტოს და საინფორმაციო-ანალიტიკური დეპარტამენტის წარმომადგენლებს შეხვდა. შეხვედრაზე ოფიცერი შინაგან საქმეთა სამინისტროს სტრუქტურას, ევროინტეგრაციის მიმართულებით განხორციელებულ და მიმდინარე რეფორმებს გაეცნო.

მხარეებმა საუკეთესო გამოცდილების გაზიარების და შესაძლებლობების ზრდის კუთხით სამომავლო თანამშრომლობის გეგმები განიხილეს. ასევე დაიგეგმა ორმხრივი სამუშაო ჯგუფის შეხვედრა.

გარდა ამისა, მხარეებმა იმედი გამოთქვეს, რომ ორ ქვეყანას შორის სამართალდაცვით სფეროში თანამშრომლობა მომავალში უფრო გაღრმავდება, რასაც ხელს შეუწყობს მიმდინარე წლის იანვარში ქალაქ მადრიდში ხელმოწერილი შეთანხმება „საქართველოს მთავრობასა და ესპანეთის მთავრობას შორის დანაშაულის წინააღმდეგ ბრძოლის სფეროში თანამშრომლობის შესახებ“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია